Gazami sorsunnissaq Israelimi illersornissamut pisortap qaammatini arlalinni utaqqisimavaa
![](/sites/default/files/styles/image_934x467/public/2023-12/20231225-175825-L-1920x1280we.jpg?itok=bVS6njwi)
Israelimiut Palæstiinamilu Hamas-ikkut sakkuaakkunaavinnissaannik nunarsuarmi nunat arlaleriarlutik kaammattuutigaat.
Sorsunneq sivisusinnaasoq Israelimi sakkutuut pisortaat taama isumaqarpoq.
Qaammatit arlaqartut Gazami sorsuttoqarnissaa sakkutuut naalagaata naatorsuutigaa
Sakkutuut pisortat tusagassiortunik katersortitsinermi marlunngornermi pisumi taama oqarpoq.
- Sorsukkunnaartoqarnissaanik aaqqiissutissaqanngilaq.
Peqqarniisaarniaqatigiit akiuussinnaajunnaartinneqarnissaanut periarfissaqanngilaq - uteriitsuusariaqarpoq sorsunnissamullu aalajangiusimasariaqarluni.
- Periutsit assigiinngitsut atussavagat - angusagut sivisuumik atorneqasammata, sakkutuut pisortaat taama oqaarpoq.
Israel nunanit tamanit sakkuaakkunnaarniissaanik kimigiiserfigineqaraluartoq, Israel Gazami qaartartumeerisarnini ingerlatiinnarpaa.
Israeli Gazami sumiiffinnut assinngitsumut 100-nik sinneqartunut ullup unnuallu ataatsip ingerlanerani saassussivoq.
Sullorsualiat atortulersuutillu assigiinngitsut Hamasikkut saasssusisarnerminni atortagaat Israelimiunit saassunneqarput.
Israelimiut Hamasikkullu oktoberip ulluisa arfineq aappaanni sorsuutilermatali, Hamasimut ilaasortat amerlasuut toqutaapput. . Allallu hundredelikkaat tigusarineqarsimasut, sakkutuut naalagaat oqarpoq.
Israelimiut Gazamut saassussillutik aallartinnerannit, palæstiinamiut sakkutuujunngitsut tusintinik arlalinnik amerlatigut toqutaapput.
Peqqissutsimut ministereqarffup Hamasikkunnit aqunneqartup paasissutissiissutaa naapertorlugu inuit 20.915-it toqutaapput.
Amerlasuut meeraapput arnat aamma utoqqaat, taakkua napparsimavinni uninngatsillutik toqutaapput.
Silaannakkut saassunerpassuit kingunerusaannik Gazami inuit 55.000-it ikiligaaasut ministereqarfik taama nalunaaruteqarpoq.