Piitsuussutsimut killiliussaq partiinit taperserneqartoq

Piitsuussutsimullu killiliussinissaq partiinit tamanit taperserneqarpoq.

- Qujaannarpugut tassuunatigut takusinnaalissagatsigut qanoq piitsuussuseq annertutiginersoq nunarput ataatsimut isigalugu, Siumup politikkikkut oqaaseqartartua Laura Taunâjik oqarpoq.

AAMMA ATUARUK Piitsuussutsimut killiliussamik pilersitsinikkut ajornartorsiutit sammineqarnerulersinnaasut

AAMMA ATUARUK Kofoeds Skole og Mio ser positivt på fattigdomsgrænse

Piitsuussutsimut killiliussamik pilersitsinialikkersaarneq Inuit Ataqatigiit aamma taperserpaat.

- Piitsuussutsimut killigititap eqqartorneqartuartarnera aammalu inuiaqatigiinni naligiinngissutsip inuiaqatigiinni annertussusaa ersarittumik suliniuteqarfigineqassappat pingaaruteqarluinnartutut inissisimavoq piitsuussutsimut uuttuuteqarnissaq, Inuit Ataqatigiinneersoq Bendt B. Kristiansen oqarpoq.

Inuit Ataqatigiit politikeriisa ilaata Aaja Chemnitz Larsenip piitsuussutsimut killeqartoqalernissaa 2015-imi siunnersuutigigaluarpaa itigartitsissutigineqarlunili. Nalunaarusiamillu suliaqartoqarnissaa innersuussutigineqarpoq.

Taanna maanna piareersimalerpoq innersuussutaallunilu piitsuussutsimut killiliisoqassappat partiit tamarmiullutik tapersiinissaat pisariaqartinneqartoq.

Siumup Inuit Ataqatigiit partii Naleqqallu piitsuussutsimut killiliussamik peqalernissaa tapersersorpaat.

Illuatungiuliuttulli Demokraatit sissuernerupput:

- Apeqqusertorujussuuarput sumut atorneqarniarpa qanoq iluaqutaaniarpa, tapiissutinik suli annerusunik pilersitsiinnarniarnersoq taakku isumakuluutigivagut, Nivi Olsen, Demokraatineersoq oqarpoq.

AAMMA ATUARUK Piitsuussutsip killinganik aalajangiisoqarnissaq Aaja Chemnitz Larsenip siunnersuutigaa