Minik: Piariingajalerpugut
Unnukkut nalunaaqutaq arfineq pingasunut ammaanersiortoqassaaq, tamatumalu kingorna nunatta nunanut allanut unammisartui siullermik unammissapput, tassani Colombiamut unammissallutik.
Minik Dahl Høeghilu naapertorlugu, nunanut allanut unammisartut arfininngorpat unamminissaminnut piariingajalerput.
- Tassa formigissiartortorujussuuvugut, taavalu arfininngorpat unamminissatsinnut piariinngersaalluta. Aamma ilimagaara Colombia aallartissutigeriarlugu immaqa uku namminermi kusassalaagassagut iluarsiartorsinnaagigut. Aamma neriuutigaara oqimaatsorsiutiginagu Colombia ajugaaffigisinnaassallugu, Minik Dahl Høegh KNR-imut oqarpoq.
AAMMA ATUARUK Minik Dahl Høegh arsaqqittalerpoq
Ajoquseqqareerluni unammisinnaaqqilertoq
Assammik arsarlammak ajoquseqqanini pissutigalugu sivisuumik uninngareerluni Skanderborg sinnerlugu danskit assammik arsartartut ligaanni februaarimi unammeqataaqqippoq.
Qaammatit tallimaannaat matuma siorna taamaattoqaraluartoq Minik Dahl Høegh sukataarluarsinnaangajalersimavoq.
- Formigikkaluaqaanga, kisianni ukunani unamminerni sukataarfiunerusuni, unamminerni sakkortunerni, puakka malunnaataalaartarput. Qasujaassuseq amigaatigilaartarpara. Kisianni neriuppunga, aamma upperivara, unamminerni pingaarnerni sukataarluariaruma nunanut allanut unammisartunut sunniuteqarluarumaartunga, Minik Dahl Høegh oqarpoq.
AAMMA ATUARUK Unammersuarnernut peqataanissani piareersimaffigaa
VM-imut anngunnissaq neriuutigigaa
Nunatta nunanut allanut unammisartuisa semifinalimut anngunnissaminnut nunat sisamat allat nunanut allanut unammisartui unammissavaat.
Tamatuma kingorna angusarissaarnerpaat pingasut akornanniinnissaq anguniagaassaaq. Taamatummi angusaqassagunik assammik arsarlutik Danmarkimi Tysklandimi silarsuarmi aappaagu pissartanngorniunnermut anngutissapput.
- VM-eriarnissarput holditut soorunami neriuutigaarput. VM-imut anngunnissarput ukiorpassuarni sungiusarlutalu sukataarutiginikuuarput. Kisianni aamma oqaatigerusuppara, anngunniarnissaq sapernartorujussuusarpoq. VM-imut anngutissagutta suna tamarmi iluatsissaaq.
- Ajuutsitsinaveersaartupilussuusussaassaagut målmandigullu annaassilluaqattaartariaqassallutik, taavalu arsarnitsinni kusassalaagassat tamarmik iluatsissapput. Kisianni VM-imut anngunnissatsinnut periarfissaqarluartoq holditut qularinngilarput. Aamma ataatsimoorluta anguniassagipput qularinngilara. VM-imut annginniassaqqaarpugut, Minik Dahl Høegh oqarpoq.
AAMMA ATUARUK Minik Dahl Høegh Skanderborg Håndboldimut nuuttoq
