Unammersuarnernut peqataanissani piareersimaffigaa
Minik Dahl Høeghp assammik arsarluni Amerikap nunavittaani pissartanngorniunnernut Nuummi aasaru ingerlanneqartussanut ilanngunneqarnissani neriuutigaa.
- Neriuppunga kalaallit assammik arsartartuinut aasamut ikiutaalluarsinnaassallunga, Minik Dahl Høegh oqarpoq.
Assammik arsartartup unamminerunissani anguniarlugu Skanderborg Håndboldimut januaarimi erngertumik nuuppoq.
AAMMA ATUARUK Kalaallit Nunaat Uruguayilu normu 2-nngorniussinnaasut
AAMMA ATUARUK Nunarput pulje B-miissaaq
Unammisartoq seeqqumini ujalorsuit najummisuigut siorna septembarip aallartinnerani ajoquserpoq tamannalu pissutigalugu sivisuumik unammeqataasimanngilaq.
Februaarimi arsaqqittalerpoq sungiusarluartalereersimavorlu.
- Unamminerup kingulliup takutippaa arsarluarnera assut qaffakkiartortoq. Ajoquseqqanerma kingorna arsartarniga pitsanngoriartorpoq arsarluarnerlu malunnartumik tigujartoqqileriga, Minik Dahl Høegh oqarpoq.
Nunat unammersuarnissanut anngunnikut tassaapput Kalaallit Nunaat, Cuba, Canada, Puerto Rico, Uruguay, Peru, Paraguay, Guatemala, Colombia, Chile, Brasilia Argentinalu.
Nuummi juunip ulluisa 15-ianiit 25-ata tungaanut unammersuartoqassaaq.