PanAm2018 Nunarput pulje B-miissaaq
Amerikap nunavittaani assammik arsarlutik VM-imut anngunniullutik kikkut imminnut unammissanersut ullumi arfininngornermi nalunaaqutaq ataatsimut makitsissutigineqarpoq.
Allattoq Sara K. Jakobsen
Nunarput puljemut B-mut inissinneqarpoq. Nunat Brasilia, Uruguay, Colombia Canadalu aamma pulje B-miipput.
Nunanut allanut unammisartut sungiusaasuat makitsinerup kingorna sianerfigineqarpoq, aperineqarlunilu puljemi sorlermi inissikkusunnersoq.
Pulje B-lu toqqarpaa.
Nunat pulje A-miittut tassaapput Chile, Argentina, Cuba, Puerto Rico, Guatemala Perulu.
Nunarput, Cuba, Canada, Puerto Rico, Uruguay, Peru, Paraguay, Guatemala, Colombia, Chile, Brasilia Argentinalu Nuummi juunip ulluisa 15-iannit 25-ata tungaanut unammiuaartussaapput.
AAMMA ATUARUK PanAm-2018-imut arfininngornermi ataatsimut makitsisoqassaaq