Minik Dahl Høegh: Kalaallit Nunaat Uruguayilu normu 2-nngorniussinnaasut
Kalaallit Nunaata amerikap nunavittaani assammik arsarluni VM-imut anngunniullutik unammersuarnissanut pulje B-mut inissinneqarnera pitsaasuusoq, assammik arsarluni nunanut allanut unammisartoq Minik Dahl Høegh isumaqarpoq.
Allattoq Jonas Fievé
Nunarput 2016-imi unammersuarnerni normu 3-nngorpoq ingerlaqqinngitsoorlunilu.
Kalaallit Nunaata Brasilia, Uruguay, Colombia Canadalu aasaru unammissavai:
AAMMA ATUARUK Minik Dahl Høegh arsaqqittalerpoq
- Brasiliakkut, Uruguayikkut, Canadakkut holdillu allat naapinnissai pissanganarpoq. Brasilia ajugaaffigisinnaassagutsigu tupaallannassaqaaq, kisianni pulje eqqarsaatigalugu eqqoriamisaarsinnaavara Uruguay Kalaallit Nunaallu normu 2-nngorniunnissaq sorsussutigissagaat, assammik arsarluni nunanut allanut unammisartoq Skandeborg Håndboldimilu unammisartoq Minik Dahl Høegh oqarpoq.
Nuummi juunip ulluisa 15-ianiit 25-ata tungaanut unammersuartoqassaaq.
AAMMA ATUARUK Nunarput pulje B-miissaaq