Minik Dahl Høegh arsaqqittalerpoq
Sivisuumik arsarsimanngeriarluni peqataaqqilernerup saniatigut Skanderborg Håndbold sinnerlugu siullerpaamik arsaqataavoq. Seeqqumigut ajoqusernini pillugu ukiup affaa sinnerlugu assammik arsarsinnaasimanngilaq:
- Aallartinnera nuanneqaaq. Aamma tupaallaatigivara taama siusitsigisukkut assammik arsaqqissinnaagama. Arsarnissara ippassaq ilimaginngikkaluarpara, kisianni sungiusaasup oqarfigivaanga arsassasunga, soorunami piareersapallariarlunga iserpunga, aallartillualaavippungalu, seeqqummalu qisuariarnera, arsarninnilu imatut sunniuteqannginnera, anniaatiginnginneralu tupaallaatigeqaara. Pissikkaangamalu immaqa aamma pissittarninniinngaanniilluunnit pissinneqqortutigingajallunga ippassaq arsarpunga, Minik Dahl Høegh KNR-imut taama oqarpoq.
AAMMA ATUARUK Comeback til Minik Dahl Høegh
Arsarluarpoq
Minik Dahl Høegh Århus Håndboldimit Skanderborg Håndboldimut ukiup massuma aallartinnerani nuuppoq:
- Skanderborgimi qaffassarnissaminnut tunuaninngaanniit isertitseriartartumik amigaateqaramik, taava neriorsornikuugaminnga Skanderborgimut nuukkuma minutserpaaluit arsartassasunga. Ippassaq unamminermi unamminerup affaa immaqa isersimavunga, ilimagigaluarakku immaqa 5-10 minutsinnaalluunniit isersimassallunga, kisianni unamminerup affaa sinnerlugu isersimavunga. Aallartilluartorujussuuvunga, taannartaa eqqarsaatigalugu tuppalleqqasorujussuuvunga, Minik Dahl Høegh taama oqarpoq.
AAMMA ATUARUK Minik Dahl Høegh Skanderborg Håndboldimut nuuttoq
Pan Amip Nuummi pisussaq peqataaffigerusuppaa
Nunanut allanut unammisartunut ilannguteqqinnissaminut periarfissaarnerarpoq:
- Periarfissagissaartorujussuuvunga, ingammik aamma Pan Am-ip nunatsinni aaqqissorneqarnissaanut. Tassa taanna siunertaralugu klubbimut allamut nuuppunga, Minik Dahl Høegh KNR-imut oqarpoq.
AAMMA ATUARUK Kalaallit unammisartui Nuummi VM-imut anngukkusupput