Minik Dahl Høegh Skanderborg Håndboldimut nuuttoq
Minik Høegh Dahl Fynini GOG-mi unammisartuusinnarluni Aarhusimi klubbimut nuuppoq ukiullu aappaa avillugu tassaniilluni.
Skanderborg Håndboldimut isumaqatigiissut ullumi atsiorpaa, aviisilu naapertorlugu taanna aasap tungaanut atuutissaaq kingornalu illuatungeriinnit naliliiffigineqaqqissalluni.
Aarhusimi unammisartuusimasoq septembarip aallartinnerani seeqqumini ujalorsuit najummisuigut ajoquserpoq kingornalu tamanna qaangerniarsarisimallugu.
AAMMA ATUARUK - Ataatsimoornissarput piffissanngorpoq
Minik Dahl Høeghilu ajoqusernini pissutigalugu sivisuumik unammeqataasimanngilaq sæsonillu sinnerani annerusumik unammeqataasarnissaa ilimanaateqarpallaarani.
Taamaammat nunanut allanut unammisartoq isumaqarpoq klubbimut allamut nuukkuni pitsaanerussasoq, taamaaliornikkut Panam Nuummi aasaru ingerlanneqalerpat piareersimalluarnerussagami, taamatullu aamma nunatta nunanut allanut unammisartuisa VM-imut anngussinnaanissaannut periarfissaqarluarnerussammat.
Minik Dahl Høeghip Aarhus Stifttidendemut oqaatigaa siornatigutulli sungiusarluarsimatigileqqinnissani qularutiginagu.
