PanAM 2018 Piareersaanerit naammassisaqarfiulluarnerat neriulluartitsisoq

Unammiartortummi piginnaasaqarluartut nunanit assigiinngitsunit aqqanilinneersut nunattalu unammisartui qaammat ataaseq sinnilaaginnarlugu qaangiuppat naapissapput.

 - Pissusissamisut pilersaarutillu malillugit ingerlavoq. Aporfiit annertuut assigiinngitsut qaangereernikuuagut, Ataqatigiissaarisoq Poul Petersen taama oqarpoq.

Amerikap nunavittaani assammik arsarluni Nuummi pissartanngorniunnissaq qalliartorpoq. Unammeqataasussat, sungiusaasut suleqataasullu 270-init amerlanerusut Nuummi juunimi tikeralissapput. 

AAMMA ATUARUK Aningaasartuutit suli nalornissutigineqartut

Tikiffissaallu ataqatigiissarluareeritsik, Poul Petersen oqarpoq:  - Angalaniarneq, nerisaqarnissaq unamminermullu pilersaarutit tamaasa naammassereernikuuagut. 

Tikerartorpassuit Hotel Hans Egedemi, Inuk Hostelsimi Sømandshjemmimilu unnuisinneqassapput.

Aaqqissuussami aningaasaqarneq aamma febraarimi nalorninartorsiorfiuleraluarpoq, 1,5 millionit koruuninik amigartooruteqarfiunissaa naatsorsuutigineqarluni. 

AAMMA ATUARUK Nunatsinni Pan Am-ertoqarnissaa nalorninarsisoq

AAMMA ATUARUK PAN AM kalaallit assammik arsaattarnerannut akisusinnaasoq

Amigartoorutaasussatulli naatsorsuutigineqartut maanna ikinnerupput.

- Naatsorsuutit malillugit millionit affaat ataallugit inissisimavoq. Imaassinnaavorlu ikinnerulissasut, kisianni oqaatigisattut apeqqutaalluinnassaaq isiginnaariat qanoq amerlatiginissaat neriuutigilluarparpullu kalaallit tikittussallu allat orninneqassasut illersorlugillu, Ataqatigiissaarisoq Poul Petersen taama oqarpoq.

Aaqqissuussalli iluatsinnissaanut pingaaruteqarluinnartut suli amigaatigineqarput, tassa namminneq piumassutsiminnik suleqataasussat. Poul Petersen naapertorlugu 50-it missaanniittut suleqataarusullutik nalunaareerput, sulili 20-t sinnerlugit amigaatigaat. 

AAMMA ATUARUK Pan Am-ertoqarnissaanut assartuinissat aningaasallu amigaataasut

AAMMA ATUARUK Naalakkersuisut Pan Am-ip nunatsinni aaqqissuunneqarnissaanut aningaasaliiniartut