Politikki Inuussutissarsiutit Avatangiisit

Piiaanissamut akuersissut atsiorneqarpoq

Aatsitassanut naalakkersuisoq nuannaartoq Namminersorlutik Oqartussani nalliuttorsiorpalaartumik ullumi qaaqqusivoq.

Allattoq Bibi Nathansen

decembarip 16-at 2016 19:51

Tunup avannaani Citronen Fjordimi Ironbarkip zinkinik aqerlunillu piiaanissaannut akuersissut, Muté Bourup Egedip Ironbarkillu pisortaanerata, Jonathan Downesip atsioqatigiissutigaat.

Sumiiffik akuersissuteqarfiusoq 120 kvadratkilometerinik annertussuseqarpoq.

Kisermaassisussaatitaalluni akuersissummi Ironbarkip ukiuni 30-ini sumiiffimmi akuersissuteqarfiusumi piiaanissamut qulakkeerneqarpoq. Akuersissut ukiunut 50-nut sivitsorneqarsinnaavoq.

AAMMA ATUARUK Ironbark Citronen Fjordimi aatsitassarsiornissamik akuersissummik tunineqartoq

Piaasinnalernerli sioqqullugu suliassat imaannaanngitsut utaqqisut, pisortaanerup oqaatigaa.

- Sulissutigisatsinnut aningaasaliisussanik ujarlissagatta ukioq 2017 ulapaarfiussaaq,

Ironbarkip pisortaanerata Jonathan Downes oqarpoq.

Suli pitsaanerulernissatsinnut ikiortigut! Nutaarsiassamut malugisaqaruit uunga allaffigitigut.