Ironbark Citronen Fjordimi aatsitassarsiornissamik akuersissummik tunineqartoq
Tunup avannaani Citronen Fjordimi Ironbark A/S-ip zinkinik aqerlunillu piiaanissamut suliassaq kisermaassisussaatitaalluni akuersissummik tunineqarnissaa, ullumi sisamanngornermi Naalakkersuisut akueraat.
Allattoq Jonas Fievé
decembarip 15-at 2016 15:13
Aatsitassanut Ikummatissanullu Naalakkersuisup aamma ingerlatseqatigiiffimmit Ironbark A/S-imit aallartitap piiaanissamut akuersissut aqagu atsiussavaat.
Qaqugorpiaq piianissaq aallartissanersoq ilisimaneqanngilaq, kisianni IBA-mik taaneqartartumik isumaqatigiissutip septembarip qaammataani atsioqatigiinneqarnerani paasissutissiissutigineqarpoq suliap 2017-ip ingerlanerani aallartinnissaa naatsorsuutigineqartoq.
