Perorsaasut kattuffiat: Perorsaasut qimarrannerannut akissarsianik qaffaaneq aaqqiissutissatuaavoq
![](/sites/default/files/styles/image_934x467/public/2023-05/Inter%20Arnaq%20Br%C3%B8nlund_NPK%20om%20p%C3%A6dagogmangel%20KAL-sproget%20Still.jpg?itok=XpDGBZ5g)
Nunatsinni meeqqerivinni meeraaqqerivinnilu ilungersortoqangaatsiarnera perorsaasut akissarsiaat 2024-mut isumaqatigiinniarnissamut qaffaavigineqangaatsiarnerannik kisimi aaqqiivigineqarsinnaavoq.
Nunatsinni Perorsaasut Kattuffianni siulittaasoq, Arnaq Brønlund oqarpoq.
- Ukiorpassuarnut kingumut qiviassagutsigu ajornartorsiut taanna piujuartuuvoq. Allaat ilinniartut naammassisartut massakkut pigigaluarlutigilluunniit ajornartorsiut alligaluttuinnartutut isikkoqarpoq, taanna oqarpoq.
Kommuneqarfik Sermersuumi perorsaasutut ilinniarsimasut 82-t pisariaqartinneqaraluartut ilinniarsimasut 42-nnaat novembarimi atorfeqarput.
Nuummi perorsaasunik amigaateqarneq illoqarfiup ineriartorneranik taamaalillunilu sulisut pisariaqartinneqarnerannik pissuteqarnerusoq, Arnaq Brønlund isumaqarpoq.
- Meeqqeriviit nutaat arlallit pinngornikuupput, taamaasillunilu perorsaasussaaleqineq annertusigaluttuinnarluni.
Akissarsiat aaqqiissutissaasut
Kommuneqarfik Sermersuumi uullunerani paaqqutarinniffinnut susassaqarfimmi pisortap, Ane Marie Lynge Møllerip ajornartorsiuteqarnera KNR-imit sapaatip akunnerata siuliani apersorneqarluni nassuerutigaa.
Ajornartorsiut tamanna perorsaasut akissarsiaannik misissuigaanni taamaallaat aaqqiiviusinnaasoq taanna isumaqarpqo. Arnaq Brøndilu isumaqataavoq.
Isumaqatigiinniarnermi kingullermi akissarsiat 10 procentimik qaffapput. Kisianni suli naammanngitsut, taanna isumaqarpoq.
- Inuiaqatigiinni politikkikkullu suliaqartunik immaqa 10 procenti akisoorujuttut isigineqarsinnaavoq. Kisianni perorsaasup akissarsiai ima mikitigipput 10 procentiluunniit anguneqaraluarpat oorinngoritsigu mikisuararsuuvoq.
Aappaagumut isumaqatigiinniarnerit
Sulisut peqatigiiffiata akissarsiat pillugit isumaqatigiinniarnerit aappaagu aallartissavai. Arnaq Brønlundillu inimi perorsaasut nunatsinni tamarmi amigaataasut akissarsiaqarnerulernissaat kissaatigaa.
- Aningaasanik aalajangersimasunik isumaqatiginninniarluta pisariaqarpugut, uku perorsaasut taakkuukku ajornartorsiorfigigigut. Perorsaasut taakku akissarsiaat annertunerpaamik qaffattariaqarpagut, siulittaasoq oqarpoq.
Kommuneqarfik Sermersuumi perorsaasut kisimik amigaatigineqanngillat.
Qeqqata Kommuniani Sisimiuni meeqqerivinni meeraaqqerivinnilu ilinniarsimasut 43-t amigaataapput.