Kalaallit Nunaani atuarfippassuit ilinniartitsisussaaleqipput. Ukiuni arlalinni atuuttussamik Atuarfiit ilinniartitsisumik atorfinitsitsisinnaagaluarput atorneqarneq ajortumik, taama oqarpoq Sivso Dorph Ilinninniartitsisut Kattuffiani IMAK-imi siulittaasoq.
Kalaallit Nunaani ilinniartitsisutut atorfiit 1300 sinneqalaarput, taakkunannga 900-t inuttaqarput. Tassa imaappoq nunatsinni ilinniartitsisut ilinniarsimasut 400-t amigaatigaavut. IMAK-ip siulittaasua Sivso Dorph aperaarput, IMAK-ip qanoq ililluni suleqataaffigalugu qulakkeersinnaaneraa, atuartut peqqussutit malillugit ilinniagaqartinnissaat.
November-imi Atuarfiit pisortaat ataatsimiinnissaat IMAK-ip piareersaaqataaffigissavaa. Sisso Dorph neriunnerarpoq tassani ajornartorsiut uani pineqartoq oqaluuserineqarluassasoq.