Peqqissaaveqarfiit qarasaasiaat iluarsipput
- Ulloqeqqariitsiartoq qarasaasiavut tamarmik qujanartumik iluarsipput. Suna ajoqutigisimaneraat ilisimaqqissaanngikkaluarparput, qarasaasialli tamarmik iluarsipput. Sineriak tamarmi paasiniaavigigatsigu tamarmik qarasaasiaat iluarsisimasut nalunaarfigaatigut, Peqqissaaveqarfiup qullersaqarfiani peqqissaasut ningiuat Ella Skifte oqarpoq.
Nakorsiartussallu sisamanngornermi ualikkut inniminniisimasut aggiinnarsinnaasut Dronning Ingridip peqqissaaviata Facebook aqqutigalugu nalunaarutigaa.
Sisamanngornerup ullaap tungaa naavillugu nunatsinni peqqissaaveqarfiit qarasaasiaat ajortissimammata unittuuikkaluarput. Ilaatigut nakorsiarniat angerlarsimaannarnissaat kaammattuutigineqarluni, aatsaallu ajuissappata saaffiginneqquneqarlutik.
Sisamanngorneq ualisoq nuna tamakkerlugu qarasaasiat iluarsisut nalunaarutigineqarpoq, nakorsiartussallu aggiinnarsinnaasut oqaatigineqarluni.
- Kikkut tamarmik ualikkut nakorsiartussat, meeqqat misissortittussat akiuussutissanillu kapitittussat ingerlaannaq takkunnissaat kaammattuutigaarput – aamma inortuigaluarunilluunniit, Dronning Ingridip peqqissaavianiit Facebook aqqutigalugu taama nalunaarput.
