Peqqinnissaqarfiup ajornartorsiutaasunut aaqqiinissamut innersuussutit qammatini utaqqeqqittariaqarai
Peqqissutsimut ataatsimiititaliarsuup Naalakkersuisunut Inatsisartunullu nalunaarusiamik innersuussutinik ilaqartumik 2022-p naanerani tunnissaqarnissaa pilersaarutaagaluarpoq, coronamilli nunarsuaq tamakkerlugu tuniluuttoqarnera pissutigalugu ataatsimiititaliarsuaq piffissaliussaq malillugu tunniussaqarsinnaanngilaq.
- Ilisimaneqartutut Nunarput 2020-mi qaammatini pingasuni siullerni coronamik tuniluuffiuvoq. Tamatumalu kingunerisaanik Peqqissutsimut ataatsimiititaliarsuup suliaqarnera 2020-mi ukiakkut aatsaat aallartissinnaasimavoq.
- Assersuutigalugu Nuup avataanut tikeraarnerit arlallit angalaqqusinnginnerit pissutigalugit kinguartinneqarnikuupput, Peqqissutsimut ataatsimiititaliarsuup siulittaasua, Ulrik Blidorf oqarpoq.
AAMMA ATUARUK Peqqinnissaq pillugu ataatsimiititaliarsuaq siullermeertumik ataatsimiittoq
Ataatsimiititaliarsuup suliamik naammassinninnissamut Nuummi, Nuussuarmi Qinngorpumilu innuttaasunut ataatsimiititsinissaq amigaatigai.
Ataatsimiititaliarsuup innersuussutini Inatsisartut 2023-mi upernaakkut ataatsimiinnissaannut tunniussinnaassagai maanna naatsorsuutigineqarpoq.
Peqqinnissaqarneq qineqqusaarnermi qitiusoq
Peqqissutsimut ataatsimiititaliarsuarmik pilersitsisoqarnissaa 2019-imi ukiakkut ataatsimiinnermi aalajangerneqarpoq.
Ataatsimiititaliarsuup nunatsinni peqqinnissaqarfimmut pitsanngorsaanissamut innersuussusiornissaa siunertaavoq. Ataatsimiititaliarsuup peqqinnissaqarfiup aaqqissugaanera, atorfinitsitsiniartarnera, sulisunik attassiniartarnera kiisalu Danmarkimik nunanillu allanik suleqateqarnera ilaatigut misissortussaavai.
Peqqinnissaq pillugu ataatasimiititaliarsuaq Suleqatigiissitsisut 2019-imi ukiakkut ataatsimiinnermi siunnersuuteqarneranit pilersinneqarpoq, taamani Inatsisartuni amerlanerussuteqangaatsiartut tapersiipput.
Ataatsimiititaliarsuup suliaqarnissaanut 6 millionit koruunit immikkoortinneqarnikuupput.
Peqqinnissaqarfik aningaasanut inatsimmi inisitunerpaavoq. Tassunga ukioq manna 1,6 milliardit koruunit immikkoortinneqarput.
Coronap ataatsimiititaliarsuup suliaqarnissaa kinguartippaa. Paasissutissanik katersineqarneq pingaartumik coronamik kinguartoortinneqarpoq.
Ataatsimiititaliarsuup nuna tamakkerlugu anganissaa pilersaarutaagaluarpoq, maannamulli Kommune Kujallermut Avannaata Kommunianullu kisimi angalasimavoq.
Ataatsimiititaliarsuaq Kommune Qeqertalimmukariartoraluarpoq, coronali pissutigalugu utiinnartariaqarluni.
Nalunaarusiaq innersuussutinik imaqartoq Inatsisartunut tunniunneqarnissamut ukioq manna kingusinnerusukkut piareertussaavoq
Nunatsinni peqqinnissaqarfimmi pissutsit nunatsinnit folketingimut qineqqusaarnermi apeqqutini ukkatarineqarnerpaagallarpoq.
AAMMA ATUARUK Atassutip qineqqusaarnermi pingaartitaa: Peqqinnissaqarfik Naalagaaffimmut uterteqqinneqarli
Atassutip assersuutigalugu peqqinnissaqarfiup danskinit akisussaaffigineqaqqilernissaa siunnersuutigaa.
- Peqqinnissaqarfipput Naalagaaffimmut utertinneqartariaqarpoq. Annaasaqartarnerput naammalerami. Ilaquttatsinnik asannititsinnik qanigisatsinnik annaasaqartarnerput. Sullissineq kipiluttunarpallaarami, Atassutip siulittaasua, Aqqalu Jerimiassen, KNR-mut oqarpoq.
Nalerarli utertitsinianngilaq, partiilli Danmarkimit ikiuisoqarnissaa pisariaqartoq nassuerutigaa.
- Peqqinnissaqarfiup Danmarkimi peqqinnissaqarfittulli pitsaassuseqalernissaa Folketingimi sulissutigissavara. Tassanilu Danmarkimit ikiorneqarnissamik pisariaqartitsivugut, Naleqqamit folketingimut qinigassanngortittoq, Juno Berthelsen oqarpoq.
Ataatsimiititaliarsuaq: Sulisussaaleqineq ajornartorsiutaanerpaavoq
Ataatsimiititaliarsuaq nalunaarusiornermi qiteqqunnerani nunatsinni peqqinnissaqarfiup pitsaanerulersinnissaanut innersuussutinik siullernik upernaaq saqqummiivoq.
Sulisussarsiorneq sulisoqaannarniarnerlu unammillissutigineqarngaatsiartut taamani inerniliissutit ilagaat.
- Nakorsanit 2010-mi maaniittunit 2020-mi 30 procentiinnaat maanna maaniipput. Peqqissaasunit 2010-mi atorfeqartunit 2020-mi 25 procentiinnaat atorfeqarput.
- Tamanna ingerlatsinermi patajaatsoqarnissaanut ajornakusoortitsillunilu unammillernangaatsiarpoq. Aalaakkaannerup pitsaassutsillu qulakkeernissaanut sulisut aalaakkaannissaat pisariaqarpoq, ataatsimiititaliarsuarmi siulittaasup tullersortaa, Syddansk Universitetimi peqqinnissami aningaasaqarnermi professori, Keld Møller Pedersen oqarpoq.and i kommissionen og professor i sundhedsøkonomi på Syddansk Universitet.
AAMMA ATUARUK Peqqinnissaq pillugu ataatsimiititaliarsuaq: Nutarsaanissamut sanaartornissamullu 800 millionit koruunit pisariaqartinneqarput
Peqqinnissaq pillugu ataatasimiititaliarsuaq Suleqatigiissitsisut 2019-imi ukiakkut ataatsimiinnermi siunnersuuteqarneranit pilersinneqarpoq, taamani Inatsisartuni amerlanerussuteqangaatsiartut tapersiipput.
Peqqinnissaq pillugu ataatsimiititaliarsuarmut 6 millionit koruunit 2020-mi aningaasanut inatsimmi immikkoortinneqarput.
