Paul Watson pinerluuteqarsimasunut Nuummi isertitsisarfimmiit: Danmark ajornartorsiuteqarpoq
Kalaallit Nunaanni pinerluuteqartut isertitsiviamiinniitinneqarnini iluarisimaarlugu Paul Watson AFP-mit apersorneqarnermini oqarpoq.
Arfanniarnermut akerliunerminik unitsitsinnianngilluinnarluni, Canadami USA-milu innuttaassuseqartup Paul Watsonip aamma oqaatigaa.
- Isumaqarunik anguniakkakka allanngortut kukkupput, maanna umiarsuarmi allamiiginnarpunga. Umiarsuarlu tassaavoq Nuummi pinerluuteqartut isertitsiviat, taanna oqarpoq.
Japanip Watson tunniuteqquaa, patsisaasorlu tassavoq japanimiut Sikuiuitsoq Kujallermi arfanniarnerannik 2010-mi ajoqusersormagit.
Watson isumaqarpoq, Danmarkip Japanimut tunniussinnaanngikkaani, tamassumunngalu patsisaavoq inuttaata inatsisilerituuisalu Japanimi inuit pisinnaatitaaffii unioqqutinneqartarmata.
- Danmark ajornartorsiuteqarpoq. Tunniussinnaanngilaannga, tassami taakku inuit pisinnaatitaaffiit pingaartittuuaat, taanna AFP-mut oqarpoq.
Ilanngullugu oqaatigaa, Nuummi ineeqqamini iluatalluni. Tassami imaanut isikkiveqarpoq arfernik iluliaminernillu isiginnaarsinnaalluni.
Paul Watson pinerluuteqarsimasumut Nuummi inissiisarfimmi septembarip tallimaata tungaanut tigummigallarneqarpoq.
