Partiit saamerliit 91-inik qinigaatitaqarlutik amerlanerussuteqalissangatinneqartut. Foto: ScanpixAssi: Scanpix

Exit poll: Partiit saamerliit Folketingimi amerlanerussuteqalissangatinneqartut

Socialdemokraatit Danmarkimi partiini anginersanngussangatinneqarput taamaalillutillu partiit saamerliit allat peqatigalugit naalakkersuisunngortitsisinnaassallutik. Danmarkimi qinersereersunik apersuinerup tamanna takutippaa.

Partiit saamerliit katillugit 91-inik qinigaatitaqarlutik Danmarkimi amerlanerussuteqalertussanngorpasipput.

Exit pollip, Danmarkimi qinersisartut akornanni ingerlanneqartup siulliup tamanna takutippaa. TV2 taama ilisimatitsivoq.

Exit poll tassaavoq Danmarkimi qinersisartut 5000-it akornanni misissuineq. Qinerseernerisa kingorna aperineqarput kina qinersimaneraat.

Exit-poll naapertorlugu taasinerit ima agguataaqqapput:

Socialdemokratiet: 46

Venstre: 37

Dansk Folkeparti: 18

Radikale Venstre: 15

SF: 15

Enhedslisten: 15

Det Konservative Folkeparti: 11

Liberal Alliance: 5

Alternativet: 5

Nye Borgerlige: 4

Kristendemokraterne: 4

Stram Kurs 18,8 procetinit taaguunneqarluni Klaus Riskær Pedersenilu 0,7 procentinit taaguunneqarluni qinigaatitaqanngitsuussangatinneqarput.

Missingiutaagallartumi partiit saamerliit 91-inik ilaasortaatitaqalissangatinneqarput. Alternativet naatsorsuinermut ilaatinneqanngilaq, partiip siuttuni Uffe Elbæk ministeriuninngortussatut tikkuarumammagu.

Partiit talerperliit 81-inik ilaasortaatiaqalissangatinneqarput.

Nunatsinni nalunaaqutaq malillugu nalunaaqutaq arfinermut qinersinermut missingiut siulleq saqqummiunneqartussatut naatsorsuutigineqarpoq. Taasinerit kisinneqareersut tunngavigineqassapput, taamaattumillu aamma nalorninaateqassalluni.

Isummersuutit

#FQ2019

Aaja Chemnitz Larsen, folketingskandidat for Inuit Ataqatigiit, afgiver sin stemme til Folketingsvalget i Godthåbshallen i Nuuk. Foto: Christian Sølbeck. (Foto: Christian Klindt Sølbeck/Ritzau Scanpix)

LIVE: Aki Mathilda Høegh Dam aamma Aaja Chemnitz Larsen Folketingimut qinigaapput