Partii Naleraq: Aningaasaqarneq ajorseriartussanngorpoq

Pituffimmi kiffartuussinissamut isumaqatigiissut Exelis Service A/S-ip pissarsiarimmagu, suliffeqarfiit Nunatsinneersut danmarkimeersorlu, tassaasut Greenland Contraktors, MT Højgaard aamma Copenhagen Arctic, USA naalagaaffiup naammagitaalliuuteqartarfianut naammagittaalliorput. USA-lli naammagittaalliorneq itigartippaa, Exelis Service A/S-ilu sullisisinnaasutut naqissuserlugu.
 
Exelisimi oqaaseqartartup naammagittaalliortut itigartitaaneri paasisinnaavaa, tassami naammagittaalliorneq tunngavissaqanngitsutut, taamatullu qangali pisussatut isigigamiuk, imaanngitsoq isumaqatigiissut pissarsiarinngitsoornerata kingorna aatsaat pissasoq. Tamanna Partii Naleqqamit ilumoortortaqartoq oqaatigineqarpoq.

- Isumaqarpunga GC-p (Greenland Contraktors, aaq.) naalakkersuinikkullu inissisimasut iluanni piareesrsarluarsimasuugaluarunik una ajornartorsiut killiffigineqarsimassanngikkaluartoq, Per Rosing Petersen, Partii Naleraq, KNR-imut oqarpoq.
 
Taassum aamma oqaatiga Nunatsinni aningaasaqarneq ilungusunareeqisoq ajorseriaqqittussanngornera ajuusaarnartoq.

- Aningaasameernerup nalaani aniingaasarpaaluit annaasussaavagut. Kipiluttunartumik inissisimareernitta qaavatigut ajornerulertumik inissisimalernissarput akuersaarneqarsinnaanngilaq, Per Rosing Petersen iumaqarpoq.
 
Misissuisoqartariaqartoq
 
Per Rosing Peterseni isumaqarpoq aqutsinermi ingerlatsisimaneq misissuisoqartariaqartoq kukkussutillu suuneri paasineqarlutillu nassuerrutigineqartariaqartut.
 
- Kukkussutigut Kalaallit ilutsinni nassuerutigisariaqarpagut. Taamakuma kingorna ataatsimooqqinnaarluta iliuusissanik naleqqersortariaqarput, Per Rosing Petersen oqarpoq, nangillunilu;

- Kukkussutit suuneri misissuinerup takutikkumaarpai. Ulloq manna tikillugu tusagassiorfinni qaqinneqaqattaartut ilumoornersut ilumuunnginnersulluunniit paasisariaqarpagut. Kukkussutigut aaqqeriarlugit ingerlaqqittoqartariaqarpoq Kalaallit Nunaat annerpaamik iluanaartinnissaa siunertaralugu.