Palle Jerimiassen: Asii Chemnitz Narup paasinerluisimavoq

- Arlaannik iluameersumik, aningaasaqarnikkut inuilluunniit oqartussaaqataanerisigut, suliniaqatigiiffimmut, maannamut ataasiinnarmik siunertalimmut, tassalu aningaasanik tilligarnermik, Sermersuumi akileraartartut 4-5 millioner koruuninik akiliisissallugit tunngavissaqarsimanngilanga.

Sermersooq kommuninut allanut aningaasanik annertuumik tapiissuteqartarpoq, borgmesteri aviisimi allaatigisamini ilaatigut allappoq.

Taamatut oqarneq KANUKOKA-p siulittaasuata ajuallaatigaa. Palle Jerimiassenimi isumaqarpoq, Asii Chemnitz Narup paasinerluisimasoq.
Palle Jerimiassenimi isumaqarpoq aningaasanik agguaassisarneq, ersoqatigiinnissamik tunngaveqarluni pisartoq, KANUKOKA-miillu Kommuneqarfik Sermersuumut aningaasanik tilligarnissaq siunertarineqanngittoq.

Aamma atuaruk VIDEO Kanukoka naleqqussarneqartussanngortoq

- KANUKOKA-lu kommunimut aaliangersimasumut aningaasanik tillinnissaa siunertaralugu pilersinneqarsimasutut isumaqaruni, taava qinnuigissavara suliniaqatigiiffitsinni siunertatut inatsisigut atuaqqullugit, kommunia ukiuni taakkunani ilaasortaanermini akiliisarsimavoq, taama akissummini Palle Jerimiassen oqarpoq.

KANUKOKA-p siunertaani  allaqqavoq, kommunit tamarmik ataatsimut naliginnaasumillu soqutigisaat sulissutigineqartassasut. Siunertaq borgmester Chemnitz Narup malillugu anguneqarsimanngittoq.

Palle Jerimiassenilli erseqqissaatigaa, kikkut tamaasa nuannaartinnissaat ajornakusoorsinnaasartoq.

Aamma atuaruk VIDEO KANUKOKA Kommuneqarfik Sermersoorlu avinniarput

Aamma atuaruk Asii: Kommuneqarfik Sermersuumi ernumasoqanngilaq