Palle C.: Qanoq naleqassava, qanoq iliornikkullu aningaasartuut aningaasalersorneqassava?
Palle Christiansenip (D) apeqqutigaa inigisamut taarsigassarsinermi realkreditimillu taarsigassarsinermi ernianut akileraarutitigut ilanngaammik atulersitsiteqqinninneq qanorpiaq aningaasatigut naleqassanersoq, Naalakkersuisullu qanoq ilillutik aningaasartuut taanna aningaasalersorniarneraat.
1b:Naalakkersuisut qanoq ilillutik aningaasartuut tamanna aningaasalissavaat?spørger hvad det præcist vil koste at genindføre det fulde rentefradrag på boliglån, herunder også realkreditlån? Og hvordan vil Naalakkersuisut finansiere denne omkostning?
- Suliaqaqatigiit Kattuffiini ilaasortat tamarmik ullumikkut periarfissaqarput, pineqartunut aningaasartuutiminnik akileraarutitigut ilanngaateqarnissamut. Naalakkersuisut qinnuigaakka aningaasartuutinut assingusunut allanut taamatut periarfissiinissamik ammaassiniarlutik pilersaaruteqarnerlutik nassuiaateqaqqullugit.
Soorlu assersuutigalugit: Napparsimmavinni pisortanit pigineqanngitsuni katsorsartinnernut, katsorsaavinni namminersortuni allani katsorsartinnernut, meeqqat atuarfiini pisortanit pigineqanngitsuni meerarisap atuarneranut nammineq akiliutinut kiisalu nammineq sipaakkanik namminersorluni suliffeqarfiutigisamut aningaasaliinermi akileraarutitigut ilanngaat, Palle Christiansen aperivoq.
Apeqqutigisanilu imatut tunngavilersorpai:
- Ataani allassimasoq Siumup, Atassutip kiisalu Partii Inuit suleqatigiinnissamik isumaqatigiissutaannit issuaaneruvoq:
"Illusinermi inissiamilluunniit pisinermi akiliutit erniaannik akileraarutitigut tamakkiisumik ilanngaateqartoqarnissa periarfissaassaaq".
Suleqatigiinnissamik isumaqatigiissummi ilanngunneqanngilaq, qanoq tamanna aningaasatigut naleqassanersoq aamma aningaasartuutit qanoq aningaasalersorneqassanersut.
Qularinnginnakku puiguluttornikkut tamanna ilanngunneqarsimanngitsoq, Naalakkersuisut matumuuna periarfississavakka pineqartoq pillugu akissuteqaqqullugit.
Apeqqummut nr 2-mut atatillugu, Demokraatit kissaatigaat inuiaqatigiit pilersissallugit sapinngisamik innuttaasut amerlanerpaat inuunerminnik sinaakkusersuisinnaassusillit. Tamanna anguneqarpat pisortatigut aaqqissuussinerit oqilisaassiffigineqassapput. Assersuutigalugu, katsorsartinnissanut assigiinngitsorpassuarnut peqqinnissaqarfiup ataani ullumikkut utaqqisoqarpoq, utaqqisuniittut sivisuumik sulisinnaajunnaarsinneqartarnerannik tamanna kinguneqartarpoq taakkununnga annaasaqarfiusumik, sulisitsisunut annaasaqarfiuinnarnani naggataagut aamma inuiaqatigiinnut annaasaqarfiusarpoq. Ajornartorsiutinik qaangiiniarnerni periaatsit nutaat periarfissallu nutaat, innuttaaffigisatsinnut ajunngitsumik ineriartortitseqataalersinnaapput.
