Paavi Fransip palmit sapaataanni oqaluussissutissani atuanngikkaa
Katuullit qullersaat, paavi Frans, oqaluffissaarsuarmi Romamiittumi Peterspladsenimi inunnik 10.000-likkuutaanik tusarnaartoqarluni palmit sapaataanni oqaluussissutini ilanngutinngilaa.
Nutaarsiassaqartitsivik Reuters taama allappoq.
87-nik ukiullik paavi Frans sapaatit akunnerini arlaqalersuni nualluummik influenzarpoq puammigullu nuallulluni.
Taamaammat paavi Fransip oqaluussissutissani ikiortiminut atuartippaa.
Palmillu sapaataanni oqaluussissutissaa piareersarneqarsimasoq atuarneqanngilaq.
Pavip palmit sapaataanni oqaluussissutissani atuanngimmagu immikkut illuinnaqqissaartutut isigineqarpoq, palmit sapaataat upperisarsioqatigiit katuullit immikkut ittumik pingaartorsiutigisarmassuk. Nutaarsiassaqartitsivik Reutzers taama allappoq.
Palmit sapaataanni oqaluussissutissap sooq atuarneqannginneranik Vatikanimit suli nassuiaasoqanngilaq.
Palmit sapaataanni oqaluussissutissani atuarniarnagu paavi Frans aalajangersimasoq, naalagiartoqarnerani Vatikanip pisortatigoortumik radioatigut nalunaarutigineqarpoq.
Paavi Fransili naalagiarnermi peqataavoq oqaluussissutillu ilaanik atuaalluni.