Pave Frans nualluttoq coronaviruseqanngitsoq
83-inik ukiulik, pave Frans nualluummik nappaaseqanngitsoq paasineqarpoq, nuallunninilu pissutigalugu aaqqissuussanut allanut peqataanissani poorskip tungaanut taamaatippai.
Allattoq Ritzau
Nutserisoq Bikki P. Kleist
Italiami aviisip, Il Messaggerop allaaserigaa, Reuters allaaserisaqarpoq.
Pave Frans ullut kingulliit nuallulluni quersoruluppoq, pavelu misissortereerluni coronavirueqanngitsoq paasineqarpoq. Tamannalu pillugu Vatikanemi oqaaseqartartup, Matteo Brunip annerusumik oqaaseqarfigerusunngilaa.
Nualluummik nappaat utoqqarnut sanngiitsunullu navianarsinnaavoq.
AAMMA ATUARUK Islandimi coronaviruseqartut pingasut paasineqartut
Italiamilu nualluummik nappaateqartut amerliartortuarsinnarlutik.
Pave Fransip ukiut qulikkaat matuma siorna napparsimanini pissutigalugu puami illuatungaata ilaa peersinnikuuaa.
Italiami coronavirusimik tuniluuttoqaleruttornerani romamiut-katuullit oqaluffianni siuttoq nuffaserpoq.