Islandimi coronaviruseqartut pingasut paasineqartut

Islandimi inuit maannamut pingasut nappaammik, nualluummik tunillatsissimapput. Siulleq tallimanngormat paasineqarpoq, kingulliillu marluk sapaammi paasineqarlutik.
Angut allat 50-ikkunni ukiulik tunillatsissimasoq sapaammi paasineqarpoq, pineqartoq nappaammik annikitsumik ersiuteqarpoq. Assi © : Daniel Incandela/Flickr Creative Commons
Allattoq Ritzau
marsip 02-at 2020 08:28
Nutserisoq Bikki P. Kleist

Tunillatsissimasut tamarmik Italiap avannaani sulinngiffeqarlutik feeriarsimasut, Peqqinnissamut pisortaqarfiup nalunaarutigaa.

Reuters naapertorlugu tunillatsissimasoq siulleq tallimanngornermi misissuisoqareersorlu paasineqarpoq, sinnerilu sapaammi aamma uppernarsineqarlutik.

Islandimi nittartakkatigut nutaarsiassaqartitsiviup Iceland Reviewip allaaseraa, tunillatsissimasoq siulleq Italiap avannaatungaani sisorariarluni feeriarsimasoq manna mattussaaqqasoq.

Angut allat 50-ikkunni ukiulik tunillatsissimasoq sapaammi paasineqarpoq, pineqartoq nappaammik annikitsumik ersiuteqarpoq. Angutip Italiamit timmisartoq ilaaffigisaani ilaasut allat 108-t angerlarsimaffimminni maanna mattussaaqqapput, taamatuttaaq Italiamiit Islandimut arfininngornermi tikissimasut allat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq