Paasisavummi naliliisussat nassaarineqartut
![](/sites/default/files/styles/image_934x467/public/2024-08/Paasisavut%202024%20-%20dommer%201.jpg?itok=fdpQGlVT)
Ph.d-t tallimat Nuummi Katuami kulturikkut illorsuarmi novembarip 13-iani pingasunngornermi saqqummiussilluarnerpaaniutissapput.
Ilisimatusartut tallimat suli aalajangerneqanngillat – naliliisussalli pingasut suliniutinik naliliisussat aalajangerneqarlutik.
Naliliisussat tassaapput isiginnaartitsisartoq, ujassiooq ineriartortitsinermilu pisortaq.
Ukioq manna saqqummiussilluarnerpaaniunnermi naliliisussat tassaapput Nukâka Coster-Waldau, Minik Rosing aamma Rosannguaq Rossen.
Taakkulu paasiuminarsaanermut piginnaasaat ilisimatusartut tallimat suliniutaatulli pingaaruteqartigipput. Tassa kikkut tamarmik paasisinnaasaannik saqqummiineq.
Paasisavummi aaqqissuisuni Arctic Hubimi allattoqarfimmi pisortaq, Jula Margaard-Hoffmann oqarpoq:
- Paasisavut-mi pingaarnersaavoq ilisimatusarfigisat piumassuseqangaarluni saqqummiussinnaanissaat. Taamaattumik naliliisartut ilisimatusarneq, ingerlatitseqqiineq inuppassuillu killillugit qanoq saqqummiussisoqartarnera paasisimasaqarfigissavaat. Taakkulu Miniup, Rosannguup Nukâkallu tamarmik pikkoriffigilluinnagaraat.
Ilisimatusartut tallimat suli nassaarineqanngitsut
Saqqummiussilluarnerpaaniunneq KNR-ikkut aallakaatinneqassaaq. Taamaammat ilisimatusartut suliniutiminnik saqqummiillutik inunnut tiguartitsiniaaniarneranni inersuarmi ingillutik malinnaasinnaasunit amerlanerungaatsiartut malinnaasinnaassapput.
Naliliisartullu pingasut saqqummiineq naak assigiinngilluinnartunik ilisimasaqarfeqaraluarlutik tamarmik piginnaaneqarfigaat.
Taakku oqariartuutiminnik saqqummiinissartik sungiusimaqarfigilluaraat, Jula Maegaard-Hoffmann oqarpoq:
- Nuannaarutigalugulu tulluusimaarutigaarput ukioq mannattaaq naliliisartunik piginnaaneqarluartunik suleqatigiittussanngortitsisinnaasimagatta, taakkumi peqatigiillutik ajugaaniuteqataasussat naapertuilluartumik suliamillu paasisimasaqarluarluni naliliivigineqarnissaannut tunngavissiissagamik, taanna oqarpoq.
Ph.d-nngorniaaguit ph.d-uguilluunniit septembarip aallaqqaataani saqqummiilluarnerpaaniunnissamut qinnuteqarsinnaavutit.