Nunarsuarmi inuit 788.000-it sinnerlugit coronavirusimik tunillatsissimasut

Coronavirusimillu nunarsuarmi toqquteqartut 37.000-it sinnerpaat, Europami 25.000-it sinneraat.
Inuit coronavirusimik maannamut toqquteqartut nunarsuaq tamakkerlugu 37.000-nit amerlanerusut marlunngornermi ullaakkut nalunaarutigineqarpoq. Taakkunannga 25.000-nit amerlanerusut Europami toqusimapput. Assi © : Christian Hartmann/Reuters/Ritzau Scanpix
Allattoq Ritzau
marsip 31-at 2020 08:02
Nutserisoq Mads Lynge

Nunarsuarmi inuit coronvirusimik tunillanneqarsimasut maanna 788.000-nit amerlanerulerput.

Johns Hopkins Universityp kisitsisaataasa tamanna marlunngornermi ullaakkut takutippaa.

Inuit millionit affaat sinnerlugit coronavirusumik tunillanneqarsimasut ullut sisamat matuma siornatigut nalunaarutigineqareersorlu maanna 787.000-nit amerlanerulerput.

Inuit millionit affaat sinnerlugit coronavirusumik tunillanneqarsimasut ullut tallimat matuma siornatigut nalunaarutigineqareersorlu maanna 788.000-nit amerlanerulerput.

Nunarsuarmi inuit coronavirusimik toqquteqartut 37.000-usut

Inuit nualluummik nunarsuaq tamakkerlugu tunillanneqarsimasut kisitsisinngorlugit katillugit marlunngornermi ullaakkut 788.522-upput.

Taakkunannga 170.000-it missaat peqqissisimapput.

Inuit coronavirusimik maannamut toqquteqartut nunarsuaq tamakkerlugu 37.000-nit amerlanerusut marlunngornermi ullaakkut nalunaarutigineqarpoq. Taakkunannga 25.000-nit amerlanerusut Europami toqusimapput.

Coronavirusimik toqquteqartut Italiami amerlanerpaajusut

USA-mi tunillanneqarsimasut nunarsuarmi nunani amerlanerpaapput katillutik 164.000-nit amerlanerusut tunillanneqarsimammata.

Italia, Spania Kinalu taava tulliupput.

Coronavirusumik toqquteqartut Italiami amerlanerpaapput, inuit 11.000-nit amerlanerusut Italiami toqusimammata.

Suli pitsaanerulernissatsinnut ikiortigut! Nutaarsiassamut malugisaqaruit uunga allaffigitigut.

Aamma atuaruk