Tusaannga Oqarasuaatikkut saaffissat katersorneqarput
Attavik, Meeqqat Inuusuttullu oqarasuaataat, Ilaqutariinnut siunnersuisarfik atorunnaarlutik TUSAANNGA 80 11 80-imik normulik atuutilissaaq, sms-ikkullu siunnersuisarfik 1899 kisimi saaffissanngussapput.
Siunnersorneqarnissamut pisariaqartitsisunut saaffissanillu nalornisunut pitsaanermik periarfissaqalerpoq. Meeqqat, inersimasut kikkulluunniit ikiorneqarnissaminnut pisariaqartitsisut Tusaanngamut attaveqarsinnaalissasut, Isumaginninnermut aqutsisoqarfimmi immikkoortortami aqutsisoq, Arnajaraq Poulsen oqarpoq.
- Imaassinnaavoq angerlarsimaffimmi pissutsit akueriumitsaatsumik ingerlasut, sumiginnaasoqartoq, angajoqqaat imertartut imaluunniit imminornissamik eqqarsaateqartut, persuttarneqartartut sunaasinnaavorluunniit unammillernartoq.
TUSAANNGA februaarip aallaqqaataani atuutilissaaq. Artorsaateqarluni saaffiginnittoqaraangat inulerisunit tusarnaarneqarnissaq siunnersorneqarnissarluunniit ajornannginnerulissaaq. Saaffiginninnermili oqarasuaatikkut oqaloqatiginninnissaq naammanngippat aamma allatut periarfissaqarpoq:
AAMMA ATUARUK Prioritér professionel hjælp til børn, unge og familier
- Assersuutigalugu innersuussisinnaavugut allamut, imaluunniit meeraq kinguuaassiuutitigut atornerlugaanermut qaangerneqarsimappat taava pisussaavugut iliuuseqarnissatsinnut, Arnajaraq Poulsen taama oqarpoq.
Oqarasuaatikkut saaffiginnittarfik ulluinarni ataatsinngornermiit tallimanngorneq ilanngullugu ualikkut sisamaniit unnukkut qulit tungaanut ammassassapput.
- Maannakkut allanngortiterinitsinni ammasarfiit pingasoriaammik annertusinerulissapput. Neriuppunga aamma ersarissumik innuttaasut takusinnaanngussagaat sumut sianersinnaassanerlutik, Arnajaraq Poulsen taama oqarpoq.
AAMMA ATUARUK MIOs SMS-rådgivning er et hit hos børn og unge
Oqarasuaatikkut siunnersuisarfik TUSAANNGA 80 11 80-imik normoqarpoq, SMS-ikkullu siunnersorneqarnissaq orniginerugaanni 1899-imut februaarip aallaqqaataanit sms-ertoqarsinnaasalissaaq.