Olsvigip pingaartitani ilanngunneqaqquaa
- Naatsorsuutigivara isumaqatiginninniarnernut qaaqquneqassalluta, soorunalimi aamma qineqqusaarnermi saqqummiuttarsimasatsinnik nassataqarluta takkukkumaarpugut, qaaqquneqassagutta. Soorunami tigussaasunik anguniagaqassallutta isumaqatiginninniartoqassappat, Sara Olsvig oqarpoq, nangillunilu:
AAMMA ATUARUK Partiinut tamanut ammavunga
- Uani qineqqusaarnermi takuneqarsinnaasutut massakkut killiffeqarpugut nunatsinni isummertariaqalerluta; nunarput ammasuussava? Maani nunaqartut akornanni ammasuussaagut tikilluaqqusisuulluta? Aamma nunatta avataanut ammasuussaagut? Taakku naleqartitat, Inuit Ataqatigiinniit erseqqissumik saqqummiussimassagut, isumaqatiginninniarnernut soorunami nassassavagut.
Nuummi soqutiginninneq appariartoq
Inuit Ataqatigiit 2014-imi qinersinermut naleqqiullugu 2.305-inik ikinnerusunik taaguunneqarput, tassa 23 procentinik kinguariaateqarlutik.
Nuummiinnaq 1.200-nik ikinnerusunik taaguunneqarput.
- Malunnarpoq Nuummi qinersisartut talerpimmut sangoriarsimasut aamma takorloorneqarsinnaavoq qinersisartut inuusuttuunerusut aalajangeeqataangaatsiarsinnaasimassasut.
AAMMA ATUARUK Kielsen qinersisartunik annaasaqaraluarluni qinersinermi ajugaavoq
AAMMA ATUARUK Demokraatit qinigaarujussuarput naalakkersuisooqataassagunillu piumasaqaateqarlutik
- Kisianni Inuit Ataqatigiinniit nassuerutigisassarput pingaarnerpaaq tassaavoq Nuummi kinguariarnerput nunatta tamakkerlugu kinguariarnermik kinguneqarsimavoq taamaammallu Nuummiuvoq qanoq allatut suleriaaseqarnissarput ujartorneqartariaqartoq, Sara Olsvig oqarpoq.
