Assi: KNR

Angusat: Kielsen qinersisartunik annaasaqaraluarluni qinersinermi ajugaavoq

Kim Kielsenip naalakkersuisunngortitsiniarneq siuttuuffigisussanngorpaa. Siumut Inuit Ataqatigiillu qinersisartuminnik annaasaqangaatsiaraluartut Demokraatillu siuariarujussuaraluartut taama pisoqartussanngorpoq.

Kim Kielsen naalakkersuisunngortitsiniarluni isumaqatigiinniarnerit siuttuuffiginissaat naatsorsuutigisinnaavaa.

Marlunngornerup unnuaani nalunaaqutaq 01.45 missaani tamanna paasinarsivoq.

Siumut 8.000-ingajannik taaguunneqarluni Nunatsinni partiit anginersaattut imminut taasinnaanngorpoq. Inatsisartunut 2014-imi qinersinermut naleqqiullugu taasinernik 2149-nik, tassalu 7,1 procentinik kinguariaateqaraluarluni tamanna anguaa.

Aamma partiip siulittaasuata Kim Kielsenip ukiut sisamat matuma siorna qinersinermut naleqqillugu taasinerit 2.415-t annaavai.

AAMMA ATUARUK Inuit Ataqatigiit Nuummi kinguariarujussuartut

Inuit Ataqatigiit siulittaasuata Sara Olsvigip nal. 00.50 Nuummi Inuit Ataqatigiit katersuuffianni oqalugiarluni oqaatigaa Kim Kielsen qinersinermi ajugaanerani pilluaqqusimallugu. Qinersivinni arlalinni angusat suli saqqummiunneqanngitsut taamaaliorpoq.

Sara Olsvig aamma ukioq manna qinersinermi taasinernik 2.464-inik annaasaqarpoq.

- Tassa Soorunalimi ajuusaarnarpoq. Siulittaasutut uanga akisussaaffik anneq tigummivara. Aammalu takusinnaavarput, Nuup avataani sumiiffippaalunni ingerlalluaraluarluta ajorsarfipput tassaavoq Nuuk. Tassani Demokraatit siuariarujusuarsimapput. Taamaammallu allatut oqaatigalugu Demokraatinut Nummi ajorsarpugut, Sara Olsvig oqarpoq.

AAMMA ATUARUK Kim Kielsenip Siumullu Paamiuni qinersisaat ikileriartut

AAMMA ATUARUK Demokraterne står til kanonvalg

 

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat