Demokraatit qinersinermi iluatsitserujussuarniarpasittut
Taasinerit 18.000-it kisinneqarneernerini Demokraatit qinersinermi kingullermi angusartik qaangereerpaat. Partii taamaalilluni qinersinermi angusarissaarnerpaat ilarilissavaat.
Allattoq Kenneth Elkjær
apriilip 24-at 2018 23:34
Nutserisoq Simon Uldum
Nalunaaqutaq 23.25-nngortoq taasinerit 18.000-it kisinneqarsimapput, Demokraatillu qinersinermut kingullermut naleqqiullugu 378-inik amerlanerusunik taaguunneqarsimallutik takusinnaalereerpaat. Taasilerillu kisinneqartussat suli amerlasuupilussuupput.
Qinersinerup siorna qinersisartut isumaannik isumasiunermi takutinneqartoq partiimut taamaalilluni eqquuttussanngorpasippoq, taassumami takutimmagu 2014-imi qinersinermut naleqqiullugu ilaasortaatitaat marlunnik ilasussanngortut.
Qinersinermi angusat valg.gl-ikkut malinnaaffigineqarsinnaapput.