Kim Kielsenip Siumullu Paamiuni qinersisaat ikileriartut
Taasinernik kisitsineq suli ingerlarsorpoq illoqarfinnilu akunnattumik angissusilinni inernerit saqqummiunneqallattaarput, ilaatigut Kim Kielsenip illoqarfianit Paamiunit.
Allattoq Simon Uldum
apriilip 24-at 2018 23:57
Siumup siulittaasua Kim Kielsen, illoqarfigisamini Paamiuni 317-nit qinerneqarpoq, Inatsisartunut 2014-imi qinersisoqarmat 412-nik qinerneqarluni.
Taamaalilluni qinersinermi matumani Paamiuni qinersinermi 42,1 procentit pissarsiarai, 2014-imi 47,9 procentit pissarsiaralugit.
Siumut Paamiuni 6,6 procentinik kinguariarpoq.
Qinersinermi angusat valg.gl-ikkut malittarineqarsinnaapput.
