Kielsen: Partiinut tamanut ammavunga

Qinersinermi inernerit kingulliit pisortatigoortumik saqqummiunneqareersullu Naalakkersuisut siulittaasorisimasaata Siumumilu siulittaasup, Kim Kielsenip, naalakkersuisunngortitsiniarnissamut isumaqatiginninniarnissamut partiit pingasunngornermi aggersarniarpai.

Qinersinermi inernerit kingulliit pisortatigoortumik saqqummiunneqareersullu Naalakkersuisut siulittaasorisimasaata Siumumilu siulittaasup, Kim Kielsenip, naalakkersuisunngortitsiniarnissamut isumaqatiginninniarnissamut partiit pingasunngornermi aggersarniarpai.

Qinersinermi ajugaasoq, Siumumi siulittaasoq, Kim Kielsen partiit siuttuinik KNR TV-kkut ullaassaq nalunaaqutaq sisamanut oqallitsitsinermi peqataallatsiarpoq. 

- Maani sinerissamiittut qinersisartut qinersiartukaasimasut tamavimmik pilluaqqorusuppakka. Tamat oqartussaaqataaneranni aalajangeeqataasimanerat tulluusimaarutissaavoq. Soorunami aamma Siumumi tunuliaqutaasimasut aamma ikiuussimasut assut qujassuteqarfigerusuppakka, Kim Kielsen oqarpoq.

Taassuma naalakkersuisunngortitsiniarneq siuttuuffigeqqissavaa taamaaliornissaminullu partiinut tamanut ammanerarpoq.

Ilinniartitaaneq qaffassarniaraa

- Tullinnguuppoq naalakkersuisooqatigiinnik pilersitsinissaq aamma oqaloqatiginninnissaq. Tassa partiinut tamanut ammavunga, taamatut oqariartuuteqarnera attappara. Aamma qamani isumaqatigiikannerpugut, tiimit qasserpassuit utaqqinikuunerluta, tassa ullumi ullup ingerlanerani kalerrikkumaarpakka taava aggersarumaarlugit.

AAMMA ATUARUK Kielsen qinersisartunik annaasaqaraluarluni qinersinermi ajugaavoq

Ilaatigut ilinniartitaanerup qaffassarnissaa sulissutiginiarpaa aalisarnermullu inatsisissaq qinigaaffimmi qaqinniarlugu, Kim Kielsen neriorsuivoq.

- Tassa patajaatsumik ingerlatsinissarput. Aamma ineriartortsitsinermik tikkuussisoq saniatigullu aamma ersarissumik oqariartuutigivarput ilinniartitaanikkut qaffassaaniarsarinerput. Aningaasaqarnerput, pissakinnerit eqqarsaatigalugit, aaqqiiniarnerit, mittarfiit aamma akuussapput, soorunami uagut anguniakkatsinnut tunngatillugu.

- Kisianni oqaloqatigiinnerit tamakku assigiinngitsut qanoq ingerlassanersut nalunarnavianngilaq aamma aalisarnermut inatsisissaq uani qineqqusaarnermi oqallisaaqisoq soorunami sammisussaassavarput, taanna akuussooq, pinngitsoornani qaqinneqarnissaa naatsorsuutigineqassooq, Kim Kielsen oqarpoq.

Qinersinerup inernerata takutippaa kingullermik Naalakkersuisooqatigiit, tassa Siumut, Inuit Ataqatigiit Partii Nalerarlu Inatsisartuni 21-nik ilaasortaatitaqarsinnaasut.

Tamannali suli nalunarpoq, isumaqatiginninniarnerimmi matumani apeqqutaalluinnassapput.

Valg.gl Valg.gl

 

Isummersuutit