Nakuusami sulisup oqariartuutaa Olsvigip akuersaanngikkaa

Facebook-mi inuttut ataasiakkaatut isummersuummik tamatumalu malitsigisaanik Sermitsiaq.ag-mi facebook-milu oqallisigineqangaatsiartumik poorskikkunni allattoqarpoq.

Pineqartoq Nakuusami sulisuusoq ilaatigut allappoq.
Kalaallit danskisut oqaasillit tamaani tikilluaqqusaanngitsutut misigalutik meerujunnerat paasisinnaanagu.

NAKUUSA-mut tunuliaqutaallutik suleqataasut, Naalakkersuisoq Sara Olsvig kiisalu UNICEF Danmark-mi generalsekretæriusoq Steen M. Andersen allaatigisami saqqummiussat NAKUUSA-p isumaqatigineraa arlalinnit paasisaqarumallutik saaffigineqarput.

Sara Olsvig Steen M. Andersen-llu allaatigisami toriitsumik nipi oqaatsillu atorneqartut illersorsinnaanagit sakkoortuumik oqaatigaat erseqqissaassutigaallu allaatigisaq minnerpaamilluunniit NAKUUSA sinnerlugu isummersuutaanngimmat, sulisuusulli inuttut ataasiakkaatut nammineq oqariartuutigimmagit.

AAMMA ATUARUK Oqaatsit pillugit oqallinneq kusanaappallaaqaaq

”UNICEF-mi taamatullu NAKUUSA-mi sulissutigaarput Naalagaaffiit Peqatigiit Meeqqat pisinnaatitaaffii pillugit isumaqatigiissutaat tunngavigalugu siuarsaassalluta.

NAKUUSA nuna tamakkerlugu meeqqanut tamanamut, taakkulu soqutigisaannut ataatsimoorfiuvoq - oqaatsit, suiaassuseq, inuiaqatigiinni inissisimaneq, upperisaq kultuurilu apeqqutaatinnagit.” UNICEF Danmark-mi generalsekretæri Steen M. Andersen oqarpoq. Tamannalu pillugu Sara Olsvig erseqqissaalluni allappoq oqariartuutit Naalakkersuisut Naalakkersuisoqarfilluunniit sinnerlugu oqariartuutaanngimmat.