Olsvig: Inuiaqatigiinni sanngiinnersagut akiliissanngillat

Inuiaqatigiinni sanngiinersagut sipaarniutini, Naalakkersuisut aningaasaqarnikkut ingerlatsineq pillugu nalunaarusiaminni, siunnersuutigisaanni akiliissanngillat. IA taama isumaqarpoq, innuttaasullu ilaasa ilaatigut Danmarkimut nutsernerat inuiaqatigiinni atukkatigut naligiinnginnermut ersiutaasoq taakkua tikkuarpaat.
Assi © : Nils Baum, Bureau for Inatsisartut
Allattoq Sara K. Jakobsen
juunip 02-at 2016 18:00

- Isumaqarpugut peqqutaaqataasut ilaat tassaasoq Nunatsinni atukkatigut naligiinnginnerujussuaq, Inuit Ataqatigiit siulittaasuat Sara Olsvig taama oqarpoq.

Aningaasaqarnikkut ingerlatsineq pillugu nalunaarut aningaasaqarnermut naalakkersuisup Randi Vestergaard Evaldsenip ippassaq saqqummiuppaa. 

Aamma atuaruk Naalakkersuisut nappassinissamut pilersaarutsik saqqummiuppaat

Aningaasaqarnikkut attanneqarsinnaasumik ingerlatsinissaq amerlanerusullu ilinniakkamik naammassinninnissaat Naalakkersuisut ilaatigut anguniarpaat.

Inuusuttut meeqqat atuarfianni ulluni makkunani naammassinnittut 70 procentiisa ukiut 20-t qaangiuppata suliffeqarfiit atorsinnaasaannik ilinniagaqalersimanissaat anguniagaavoq. Taamaasiornikkummi aningaasaqarneq siunissami allanngortinneqassaaq siuarsarneqarlunilu. 

Aamma atuaruk Randi: Innuttaasunut ikiorsiissutit ikilineqassapput

Aamma atuaruk Naalakkersuisut Ilanngaassivik pilersippaat

Pilersaarut IA-kkormiunit isumaqatigineqarpoq, aaqqissuusseqqinnermili isumaginninneq sammineqarnerusariaqartoq taakku isumaqarput.

- Taakkunani qitiutinneqartariaqartut tassaapput pissakinnerit. Taakkuusariaqarput illersukkagut, Nunatsinni naligiinneq annertusarumallugu.

Inuiaqatigiinnilu naligiinnginneq ilaatigut pissutigalugu inuit Danmarkimut allanullu nussortut, Sara Olsvig isumaqarpoq.

Aamma atuaruk Nunatta karsia 1 milliard koruuninik amigartoorfiussaaq

Inuit nuuttarnerat unitsissinnaanngilarput, nunatsinniiginnarnissamullu pissutissaqarlualersinniarlugit iliuuseqarsinnaaqisugut, taanna isumaqarpoq.

- Isumaqarpunga atugarissaarneq siammarpat, naligiinnerulernerlu anguneqarpat, taava aamma Nunatsinnit avammut nuuttut ikilissasut.