Assi: Helle Nørregaard

Randi: Innuttaasunut ikiorsiissutit ikilineqassapput

Aningaasaqarnikkut ingerlatsineq pillugu nalunaarut aningaasaqarnermut naalakkersuisup Randi Vestergaard Evaldsenip ualeq manna saqqummiuppaa.

Aningaasaqarnikkut nappassinissamut siuariartortitsinissamullu pilersaarut ukiaanerani ataatsimiittoqarnerani saqqummiuinneqassaaq.

Ippassaq oqaatigeriikkatsituut, sulisinnaasut ikiliartorput pilersugassallu amerliartorlutik. Taamaammat suliassaqarfinni qitiusuni aaqqissuusseqqinnerit pisariaqarluinnartut, aningaasaqarnermut naalakkersuisoq isumaqarpoq.

       Aamma atuaruk Naalakkersuisut nappassinissamut pilersaarutsik saqqummiuppaat

- Maannakkut ukiunilu aggersuni politikkikkut aalajangiussassat ajornakusoortut aalajangiunneqassapput. Pingaarnersiuisoqassaaq imaannaanngitsunik, aammalu iluarsaaqqinnernik suli amerlanernik, piviusuni atuussinnaasunik naammassinnittoqassalluni, Randi Vestergaard Evaldsen pilersaarunni pillugu taama allappoq.

Inuusuttorpassuit meeqqat atuarfianni atuarunnaareeraangamik ilinniaqqinngitsoortarput.

Atuarfiullu tunngaviusup pitsanngorsarnissaa, amerlanerillu inuussutissarsiummut piginnaalersitsisumik ilinnagaqalernissaat Naalakkersuisut anguniarpaat.

      Aamma atuaruk Naalakkersuisut Ilanngaassivik pilersippaat

- Tassaavoq pingaarnerpaatillugu nunami namminermi suliassarisaq, naalakkersuisoq allappoq.

Suliaqarfiit namminersortut nukittunerulersinnissaat aamma samminiarneqarpoq.

Taamaattumik nunami oqimaaqatigiinnerusumik ineriartortitsineq qularnaarniarlugu inuussutissarsiutini napatitsisuni amerlanerni ingerlatsisoqalissaaq, tamannalu ilutigalugu suliffeqartitsinermi aningaasaqarnikkullu suliarisani annertuunik nikeriartarnernut aarleqqutaasumik annikillisaasoqassaaq.

Pisortaqarfiit alliartoqqissanngitsut

- Sulisinnaasut ikiliartortut amerliartortunik pilersuisussaatillugit, pisortani suliaqarfik alliartortinnagu paarlattuanik naammassisaqarluarnerusalernissaa pisariaqarpoq, naalakkersuisoq allappoq.

Innuttaasunut ikiorsiissutit ikilineqassapput, soorlu assersuutigalugu utoqqalinersiassanut sulisoqarnermilu aningaasartuutinut atorneqartartut annikillillugit.

Utoqqalinersiassalli sulisoqarnermullu aningaasartuutit tiguneqartartut uani pineqanngillat.

Aamma atuaruk Nunatta karsia 1 milliard koruuninik amigartoorfiussaaq

Utoqqalinersianummi aaqqissuusseqqinnerup kingorna utoqqalinersiallit ikilippata sulisartut amerlanerulersinnissaat qulakkeerneqassaaq.

Siuarsaanermi namminersortut siunissami tapersersuissapput, innuttaasut ataasiakkaat, namminersuutigalugu inuussutissarsiortut imaluunniit avataaniit aningaasaliisartut peqatigalugit.

Kiisalu akileraartarnermi ilanngaat suliffeqarnissamut kajungernarnerulersitsissaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat