Ole Dorph: Nalimmassaanermut aaqqiineq iluaraarput

Tassami nalimmassaanissamut aaqqiissussinerugallarnikkut kommuni 2016-imi ukiunilu tulliuttuni marlunni ukioq mannamut naleqqiullugu 25 millionit koruuninik amerlanerusunik nalimmassaanikkut aningaaasaateqarneruussaaq, taamaalillunilu kommunini nalimmassaanikkut aningaasanik pissarsinerpaalluni.

Aamma atuaruk Qeqqatta Kommunia aaqqissuusseqqinnermik assut naammaginninngippoq

Naalakkersuisoq Qaasuitsumingaanniit malimmassaanissaq pillugu sapaatit akunnerat kingulleq isumaqartigiinniarfigaarput, aamma angusarisimasavut, 2016-imi 52 millionit koruunit, assut iluarisimaarpagut, Qaasuitsup Kommunianni borgmesteri, Ole Dorph, oqarpoq.

Taaanna oqaluttuarpoq, aningaaasat millionikkat qaavatigut pissarsiatik kommunimi innuttaasut sullinnerannut atorluakuttuussagitik.

- Amma taakkua innuttaasutta, siammasingaartumi inissisimasut, atugaasa pitaanerulernissaannut atussaqqaarpagut, taakkua kialuunniit ernumassutigissanngilai, Ole Dorph oqarpoq.

Aamma atuaruk Andreas Uldum: Kommuneqarfik Sermersooq kisimi sinnerlugu naalakkersuisuunngilanga

Kommunit akornanni nalimmasssaannermut ataavartumik aaqqiissuussinissatut siunnersuut qanittukkut itigartinneqarnera, Qeqqata Kommunianiit Hermann Berthelsenip naammagisinaanngilaa - itigartitaasumi kommunini aningaasanik amerlanerusunik pissarsisussaagaluarmat.

Kisianni naak Qaasuitsup Kommunia siunnersuummi ititartitaasumi nalimmassaanikkut aningasanik amerlanerusunik, tassa ukiumut 39 millionit aamma 54 millionit koruunit akornanni, pissarsisussatut isikkoqaraluartoq, maanna aaqqiissussigallarnerusoq  Ole Dorph-imik puffaammertitsinngilaq.

Massakkut aaqqiineq ukiunut tulliuttunut pingasunut atuuttussatut isumaqatigiissutaavoq. Taava taaasuma kingorna nutaaamik immaqa ukiunut amerlasuunut atorinnaasumik sanasoqarnissaa aamma isumaqatigiisutaavoq. Taamanikkornisaanut nalimmassaanissamut periusissaq nutaaq eqqartorneqalerpat, aamma soorunami oqaloqataaassuugut, Ole Dorph taama oqarpoq.