Ole Dorph KANUKOKA-p ataatsimiinneranni isumaqatigiissinnaassasut qularinngilaa

Qanorli aaqqiiniarnerlutik suli oqaatigerusunngilaa.

-Tassa taanna paasissavarput ataatsimeersuarneq naammasseriarpat, qanoq aalajangersaasoqarsimanersoq, Qaasuitsup Kommuniata borgmesteria Ole Dorph taama oqarpoq. 

Kommuneqarfik Sermersooq KANUKOKA-mi ilaasortaajunnaarmat kommunit sinneruttut pingasut KANUKOKA qanoq pineqassanersoq pingasunngorpat ataatsimeersuartoqarpat paasinarsissaaq.

Aamma atuaruk KANUKOKAp siunissaa aallartitanit aalajangerneqassaaq

Minnerunngitsumillu KANUKOKA-p allaffia sumi inissisimassanersoq aggulunneqassanersorluunniit  aalajangerneqassalluni. 

- Taakku kommunit pingasut imminnut isumaqatigiinniartussaapput, taannalu piareerpat KANUKOKA siunissami qanoq aaqqissuuniarneqarnissaa saqqummiukkumaarparput.

 Aamma atuaruk Palle Jeremiassen: KANUKOKA-p aggulunneqarnissaa isumatusaarnerunngilaq

Aallartitani quliusuni arfineq marluk Siumumeersuupput, marluk Atassummeerlutik ataaserlu Inuit Ataqatigiineerluni.
 Naak Ole Dorphip borgmestereqataasalu nammineq kommuniminnut ajunnginnerusussaq eqqaraatigisussaagaluaraat Siumumeersullu amerlanerussuteqarnertik atuinnarsinnaagaluaraat, ataatsimoorluni aaqqiiniarnissaq anguniarneqassasoq, Ole Dorphip qularutiginngilaa. 

-  Uanga naatsorsuutiginngilanga ajornartorsiutitaqassasoq KANUKOKA immikkut ittumik ataatsimeersuarnissaa, Qaasuitsup Kommuniani borgmesteri Ole Dorph taama oqarpoq.