KANUKOKAp siunissaa aallartitanit aalajangerneqassaaq
Aallartitat qulit ima agguataarneqarput tassa Qaassuitsup kommunianit sisamat, Qeqqata Kommunianit pingasut Kommune Kujalleq aamma pingasut.
Taakku KANUKOKA-p inissisimaffia malittarisassallu nutaat aalajangissavaat, kommunit sisamaat tassa Kommuneqarfik Sermersooq KANUKOKA-mit ukioq aallartittoq aninera pissutigalugu.
Aamma atuaruk IA: KANUKOKA aggulunneqassanngilaq
Aallartitani quliusuni arfineq marluk tupinnanngitsumik Siumumeersuupput taakkunani pingasut borgmesteriullutik. Marluk Atassumeersuupput ataaserlu Inuit Ataqatigiineersuulluni.
Tassami aallartitat katitigaanerat kommunalbestyrelsit ataasiakkaat ilaasortaasa partiinut agguataarnerannut naapertuuppoq.
Aamma atuaruk Kommuninik ilisimatooq: KANUKOKA-p agguataarnissaa unammilligassatuaanngilaq
Ataatsimiinneq pingasunngorpat sila ajussanngippat nalunaaqutaq ataatsimut aallartissaaq, KANUKOKA allatseqarfia KNR-mut oqaatigaa.
- Sila ajussappat aallartitallu apississinnaanngippata ataatsimiineq taamaatiinarneqassaaq, ullorlu alla ataatsimiittariaqassuugut, taannalu qaquguussanersoq aalajangerneqarumaarpoq. Aallartitat telefonikut ataatsimiikkusunngillat, imminut isigisinnaallutik ataatsimiikkusukkamik, KANUKOKA-miit nalunaarput.