Martin Møller: OL aappassaanik peqataaffigalugu qasukkarsimanarneruvoq
- Maaniilluni suli nuanneqaaq. Taamaakkaluartorli qasukkarsimanarneruvoq. Assartuineq qanoq ingerlariuseqarnersoq, sivisusoq sungiusarnerit allallu maani pisassat akornisigut qasuersimaanissaq nalunngikannerpara, Møller oqarpoq.
KNR-imi OL
Martin Møllerip Laila Friis-Sallingillu OL-imut peqataanerat KNR-imit malinnaavigineqassapput:
11. feb - 30 km skiathlon, Martin Møller (Taamaatiinnarpoq)
16. feb - 15 km sukuutserneq, Martin Møller
19. feb - Halfpipe kval., Laila Friis-Salling
20. feb - Halfpipe finale, Laila Friis-Salling
24. feb - 50 km qangatut, Martin Møller
Pyeongchangimi OL-ertoqarnera februaarip ulluisa 9-annit 25-ata tungaannut pissaaq.
Martin Møllerilli peqataaneq misilereernikuugaluarlugu maanna peqataanini pingaakujunnerarpaa.
AAMMA ATUARUK DR-ikkut malinnaavigiuk
- Peqataaniarnermut sungiusarnerpassuit angunniuunnerillu aqqusaagassaapput, taamaammat OL-imut peqataalluni pingaakujuppoq. Ammaanersiorneq aamma immikkut illuinnartuuvoq, soorunami aamma peqataavunga, ujakkaartartoq oqarpoq.
Ujakkaartartoq 37-nik ukiulik nuannini pissutigalugu unamminerit aallartinneranni peqataanngilaq ammaanersiornerlu tamaat peqataanngitsoorluni.
- Timersortarfimmi ammaannartumi issiaannarluni nillertupilussuuvoq. Timersortartulli allat isaaqatigalugit nuanneqaaq.
AAMMA ATUARUK Vi kan være stolte af Laila og Martin
AAMMA ATUARUK Piareeqqavunga
Martin Møller 15 kilometerimut sukuutserluni oqilaniunnissamut februaarip ulluisa 16-ianni, tassa unnuaru, nunatta nalunaaqutaa malillugu 02:45 peqataassaaq.
Tamanna Eurosport 1-ikkut toqqaannartumik malinnaavigineqarsinnaavoq, taavalu aamma Kanal 5-ikkut nalunaaqutaq ullaakkut arfinermut DR1-ikkullu nalunaaqutaq 11:00 isiginnaarneqarsinnaajumaarluni.
