OL DR-ikkut malinnaavigiuk

Laila Friis-Sallingip Martin Møllerillu nunarput sinnerlugu OL-imut peqataaneranni nunaqqatiminnit tapersersorneqarnissaat pisariaqarpoq. OL-ili KNR TV-ikkut aallakaatinneqassanngilaq kisianni DR-ikkut malinnaavigineqarsinnaapput.

Allattoq Sara K. Jakobsen, Anton Gundersen Lihn

februaarip 09-at 2018 17:12

- Pisisinnaanerluta imaluunniit aallakaatitanik ingerlatitseqqissinnaanerluta paasiniarsimavarput, kisianni tamatigut itigartarsimavugut, KNR-imi pisortaq Karl-Henrik Simonsen oqarpoq.

Korea Kujalliup nalunaaqutaa nunattalu nalunaaqutaa akunnernik aqqaneq-marlunnik nikingapput, Korea Kujalleq siuarsimalluni.

Taamaammat piffissat aallakaatitsiviusut akunnassinnaapput. Pyongchangimi unamminerit ilaatigut norskit tv-kanaliannit NRK-mit, Discoverymit taavalu aamma DR-imit aallakaatinneqassapput.

DR-ip OL-imik aallakaatitsinera

Kalaallit peqataaffigisaat DR-ikkut toqqaannartumik aallakaatinneqassanngillat DR1-ikkulli DR3-kkullu kingusinnerusukkut aallakaatinneqassapput.

15 km sukuutserneq (Martin Møller) DR1 16. feb. nal. 15.00
Halfpipe kval. (Laila Friis-Salling) DR3 19. feb. nal. 9.05
Halfpipe kval. (Laila Friis-Salling) DR3 20. feb. nal. 16.30
50 km qangatut (Martin Møller) suli piffissalerneqanngilaq

KNR-ilu taakkununnga isumaqatigiissuteqarniarsimagaluarpoq iluatsinnaguli.

Naalli KNR TV-kkut aallakaatinneqarsinnaanngikkaluartut, unamminerit malinnaaviginissaat ajornanngilaq:

- Piginneqqaartussaatitaanermut inatsisit aporfiusimapput. Kisianni DR-ikkut akunnernik sisamanik kingusinnerusumik aallakaatinneqaqqittartussaanerat saammarsaatigisinnaavarput.

DR-immi OL-imik tv-kkut aallakaatitsinera akunnernik 300-nik sivisussuseqassasoq, Karl Henrik Simonsen oqarpoq.

Kisianni kalaallit peqataaffigisaat DR-ikkut toqqaannartumik aallakaatinneqassanngillat.

KNR-imi OL
Martin Møllerip Laila Friis-Sallingillu OL-imut peqataanerat KNR-imit malinnaavigineqassapput:

11. feb - 30 km skiathlon, Martin Møller (Taamaatiinnarpoq)
16. feb - 15 km sukuutserneq, Martin Møller
19. feb - Halfpipe kval., Laila Friis-Salling
20. feb - Halfpipe finale, Laila Friis-Salling
24. feb - 50 km qangatut, Martin Møller

Pyeongchangimi OL-ertoqarnera februaarip ulluisa 9-annit 25-ata tungaannut pissaaq.

Martin Møllerip unammineri DR1-ikkut kingusinnerusukkut aallakaatinneqassapput, Laila Friis-Sallinngillu unamminera DR3-kkut nittartakkakkut malinnaavigineqarsinnaassalluni.

Discovery toqqaannartumik aallakaatitsissaaq

Laila Friis Sallingip peqataanera Martin Møllerillu qangatut ingerlaarluni 50 kilometerinik isorartussusilimmi peqataanera Kanal 5-ikkut isiginnaarneqarsinnaapput.

Møllerilli 15 kilometerimut sukuutserluni oqilaniunnera Eurosport 1-ikkut malinnaavigineqarsinnaavoq.

Ukiuunerani OL 2018-imi unamminerni inernerit nutaarsiassallu allat radiuaviisimi, Qanoruumi nittartakkatsinnilu knr.gl-imi sammisassavavut.

OL DR-ikkut malinnaavigiuk

Discovery toqqaannartumik aallakaatitsissaaq

Aamma atuaruk