Laila Martinilu tulluusimaarutissaapput
- Marlunnik peqataatitaqarnerput nunatsinninngaanniit aallartitaqarnerput tulluusimaarutissaavoq angusaallunilu iluarisimaarnartorujussuaq, Elite Sport Greenlandimi siulittaasoq Malik Hegelund Olsen oqarpoq.
Elite Sport Greenlandip anguniakkani, tassa nunatsinnit OL-imut peqataatitaqarnissamik angorusutani, naammassivaa, taamaammallu nunatsinnit unammiartut namminneq matumani angorusutatik angussagitsik neriuutigaa.
AAMMA ATUARUK Martin Møller OL-erfissamut tikereerpoq
AAMMA ATUARUK Laila Friis-Salling misigisassarsiorniarpoq
Sisorarluni oqilaniuttartup Martin Møllerip kingullermit unammeqataanermit angusarissaarnerunissani neriuutigaa. Freestylemik sisorartartup Laila Friis-Sallingip inuunermini aatsaat taama sisorarluartiginissani kissaatigaa.
- OL-imi peqataasussaanerat nuannaarutissaavoq, takussuarpulli qanoq angusaqarumaarnersut aamma neriuutigivarput angusarissaassasut pikkoreqimmatami, Sisorartartut Kattuffianni siulittaasoq Timooq Mølgaard oqarpoq.
Martin Møllerip Laila Friis-Sallingillu OL-imut peqataanerat KNR-imit malinnaavigineqassapput:
11. feb - 30 km skiathlon, Martin Møller
16. feb - 15 km sukuutserneq, Martin Møller
19. feb - Halfpipe kval., Laila Friis-Salling
20. feb - Halfpipe finale, Laila Friis-Salling
24. feb - 50 km qangatut, Martin Møller
Pyeongchangimi OL-ertoqarnera februaarip ulluisa 9-annit 25-ata tungaannut pissaaq.
Nunatsinni, nunanut allanut sanilliulluta, ikinneroqaagut. Taamaammat timersortartut pikkorinnersiukkat peqataaffigisaannut unammiartortitsinerput tulluusimaarutissaasoq, siulittaasut oqarput.
AAMMA ATUARUK Piareeqqavunga
AAMMA ATUARUK Piginnaasaqarluartut aallunnerisigut OL-imut peqataatitsisarnissaq anguniarneqassaaq
- Inuit amerlasoorujussuunngikkaluarluta OL-imut, ataasiinnaanngitsumik kisianni marlunnik, peqataatitaqarsinnaanerput angusaavoq annertoorujussuaq, Malik Hegelund Olsen oqarpoq.
Nunatsinnimi timersornikkut nakimaatsuusariaqartoq, Timooq Mølgaard oqarpoq.
Danskit OL-imut peqataatitaminnit 17-iusunit, angutini curlingernermi taavalu aamma sukuutserluni sukkaniunnermi marlunnik angusarissaarnerpaat arfinillit akornanniititaqarnissartik anguniarpaat. - Pissutigalugu nunatsinni timersorneq suli inuussutissarsiutigineqalinngilaq, piumassuserli aallaaviulluni timersorneq ingerlanneqartarpoq.
