Nunatsinni sulliviusinnaasut nutaat pillugit nalunaarusiortoqassaaq
Ilisimatusarsimasullu suliaat siornatigumut naleqqiullugu aalajangeriikkamik suliakkiissutaanngilaq. Nalunaarusiat assigiinngissuteqartarput. 2015-ip ingerlanerani nutaamik takkuttoqartussaavoq.
- Nalunaarusiaq siorna suliarput - Kalaallit Nunaannut iluaqutaaqqullugu - anguneqarsinnaanngitsunut nalunaarsuuterpassuaqarpoq. Maannakkut pimoorussamik nalilersuerusuppugut, Kalaallit Nunaataana suna immikkorutigigaa? Suut aallaavigalugit nutaanik sulliviliorsinnaavugut.
Naalagaaffiup pinngortitaleriffiata katersugaasiviani, Københavnip Ilisimatusarfianut atasumi ujarassiooq professori Minik Rosing taama oqaluttuarpoq.
Aamma atuaruk Minik Rosing: Urani pillugu taasisitsineq kingunerlutsitsisinnaavoq
Nalunaarusiani siornatigut suliaasimasuni Kalaallit Nunaannut siunissaq ajortumik ersersinneqartarpoq. Nalunaarusiamili suliarineqartumi siunnersuuteqartoqassaaq, siornatigut arajutsineqarsimasunut - imaluunniit suliffinnik nutaanik isertitsissutaasinnaasunik aallunneqartariaqartunut tikkuussisunik.
- Ilaatigut misissorusupparput Kalaallit Nunaanni pisuussutit suut nutarsaaffigineqarsinnaappat? Suutuku ileqquusumik atorneqartartut - aalisakkanit ileqquusumik suut atornerqartarpat? Takornariaqarneq aamma misissussavarput. Aallaavigalugu paasiniaaqissaassaagut, sumi ajornartorsiuteqartoqarnersoq - nunarsuarmi sunik amigaateqartoqarpa - imaassinnaasoq Kalaallit Nunaanni pigineqartumik.
Nalunaarusiaq ilisimatusaataareersimasunik eqikkaanerussaaq misissukkanik nutaanik ilallugu.
Minik Rosingilu aperigaanni tamaku sumut iluaqutaassanersut - akissaaq "Kalaallit Nunaannut iluaqutaasussanik."
Neriuutiga tassa piviusorsiortunik aallarnisaasariaqarpugut, sivisuumik ingerlanneqarsinnaasunik sullivinnik aningaasanillu Kalaallit Nunaanni pilelrsitsisinnaasunik. Aammali paasiuminarsarlugu siunissami Kalaallit Nunaata suut periarfissarai.
Nalunaarusiami aamma namminersortooriaatsit assigiinngitsut allaaserineqassapput, nunamik inerisaaneq, siunissami Kalaallit Nunaannut soqutiginarsinnaasut.
