Nuup ilaani Nuussuarmi inissiat ilaat ikuallattoq
![](/sites/default/files/styles/image_934x467/public/2024-04/170424_ildebrand_vinduet.jpg?itok=emXVyxBZ)
Nuummi qatserisartut siggartaataat ullaap tungaani aqqarngup qaangeraa tusarsaapput. Ikuallattoqarneranik nalunaartoqarnera pissutaasoq, Kalaallit Nunaanni politiit pigaartuisa ittuat Preben Kleist KNR-imut ilisimatitsivoq.
Tassa Nuup ilaani Nuussuarmi inissiat ilaat ikuallappoq. Ikuallanneranulli suna pissutaasimanersoq oqaatigisinnaanngikkallaritsik, politiit ilisimatitsipput.
- Qatserisartut anngutilertoramik inissiaq qernarimmik pujorpoq, politiit pigaartuisa ittuat oqarpoq.
Qatserisartut inissiamut ikuallattumut anngukkamik arnaq ikiorlugu qimagutitippaat, ikuallattoqarneranili allanik ajoqusertoqanngilaq.
- Arnaq ikiorneqarluni inissiamiit ikuallattumiit qimagutitinneqartoq uutitersimavoq ilisimmaarillunili, Preben Kleist oqarpoq.
Ikuallattoqarneranik suliaq pillugu allamik oqaaseqarsinnaanani arnarlu qimagutitinneqartoq qanoq innersoq oqaatigisinnaanngikkallarini, politiit pigaartuisa ittuat oqarpoq.