Illuaraq ikuallattoq: Kissarsuut petruuliutortoq qaartoq
Kalaallit Nunaanni Politiit Nuummi innuttaasunit Akianit pujumik qernertumik takusaqarsinnaanerminni ernumassuteqartunit arlalinnit sapaammi ualikkut nalunaarfigineqarput.
Politiit qatserisartullu aallapallapput, tassanilu illuaraq ikuallassimasoq paasivaat.
Pigaartut pisortaata, Anette Ostenfeldtip oqarnera naapertorlugu illuaqqami kissarsuutip petruuliutortup qaarsimanera pissutigalugu ikuallattoqarpoq.
Illuaqqamik piginnittoq illuaqqamiissimavoq, taannalu annikitsumik uutitersimavoq, taannali nammineerluni Nuummukarluni Dronning Ingridip Napparsimmaviliarsinnaavoq.
Illuaraq annaanneqarsinnaasimanngitsoq, pigaartut pisortaata paasissutissiissutigaa, tamatumalu saniatigut ikuallattoqarneranut atatillugu politiit allamik suliassaqanngitsut oqaatigalugu.
Qaammatit marluinnaat matuma siorna illuaqqamik allamik Nuup eqqaani aamma ikuallattoqarpoq.
Tassanilu Kangerluarsunnguani Kang Skicenterimi illuaqqat ilaat pineqarpoq. Illuaraq tassani inoqanngilaq taamaammallu ajoqusertoqarani.
