Corona pillugu Allatseqarfimmiit tunillatsissimasunut qanillisimasut attavigineqarleruttorput.Assi: KNR

Nuummi tunillatsissimasut pingasut

Tunillatsissimasut marluk tunillatsereersimasumut qanimut attaveqartuupput. Pingajuat Upernavimmi tunillatsissimanissaa ilimanarpoq. Timmisartuni angalasimasut angerlarsimaannarnissaat misissortinnissaallu kaammattuutigineqarpoq.

Sisamanngornermi juulip 22-ani Nuummi misissuisoqarnerani tunillatsissimasut pingasut paasineqarput.

Tunillatsissimasut marluk tunillatsereersimasumut qanimut attaveqartuupput. Taamaammallu napparsimalernerminniit angerlarsimallutik mattusimalersimallutik.

Pingajuat Upernavimmi tunillatsissimanissaa ilimanarpoq. Corona pillugu Allatseqarfimmiit tunillatsissimasunut qanillisimasut attavigineqarleruttorput.

Nakorsaaneqarfik taama nalunaaruteqarpoq. 

AAMMA ATUARUK Coronamik marluk tunillanneqarsimasut: Qaqortumi ataaseq Upernavimmilu ataaseq

- Tuniluunnerup paasiniarnera politiiniit ippassaq unnukkut suliarineqarluni aallartippoq. Tuniluunnerup paasiniarnerani tunillatsissimasut pingajuat tunillassimaneqarnini suli ilisimalersinnagu Upernavimmiit Nuummut angalasimasoq paasineqarpoq.

Timmisartuni angalasimasut angerlarsimaannarnissaat ullullu arfineq-aappassaani misissortinnissaat imaluunniit ersiuteqalersimagunik misissortinnissaat kaammattuutigineqarpoq.

Timmisartuni ukunani ilaasimasut pineqarput:

  • 20/7-2021 GL 205 Upernavik - Ilulissat
  • 21/7-2021 GL 571 Ilulissat - Kangerlussuaq
  • 21/7-2021 GL227 Kangerlussuaq - Nuuk

Tunillanneqarsimasumut qanillisimasut ullut arfineq-marluk angerlarsimaannassapput, ullullu arfineq-aappassaanni misissortinnikkut tunillatsissimannginnerat uppernarsarneqarnissaata tungaanut angerlasimaannartussaallutik.

- Tunillatsissimasut qanillisimasut ullut arfineq-marluk iluani ersiuteqalersimagunik angerlasimallutik mattusimassapput misissortinnissarlu pillugu peqqinnissaqarfimmut sianerlutik saaffiginnissallutik, Nakorsaaneqarfik allappoq. 

Kikkut tamarmik qanillinaveersaarnissaat innersuussutigineqarpoq. Pisortaniillu innersuussutigineqartut soorlu qanillinaveersaarnerit eqqiluisaarnissarlu malinneqarnissaat innersuussutigineqarluni.

- Napparsimaguit angerlarsimagit.

- Assatit errortukulakkit, imaluunniit assannut spriti atoruk.

- Tallinnut quersorlutilluunniit tangajorit.

- Assamminneq, ersakkut kunissineq eqitaarinerlu pinaveersaakkit – inunnik allanik timikkut attugaqarnissat killileruk.

- Eqqiaaneq eqqumaffigiuk – angerlarsimaffinni suliffinnilu.

- Inunnut qanillinaveersaarlutillu allat innimiginninnissaannik piumaffigikkit.

Isummersuutit

Nunatsinni coronavirusi pillugu
killiffik

Tunillatseqqasut 126  
Ullumi tunillatsittut 35  
Siullermik kapitissimasut 40.955  
Aappassaa kapitissimasut 35.924  
Tunillanneqarsimasut 504  
Uninngasut 1  
Anersaartuuteqartitaasut 0  
Toqquteqartut 0  
corona.nun.gl-imi kisitsit takukkit  
   Nutarterneqarpoq: 
Septembarip 21-iat 12:00
 

Coronavirusimik tunillatsinissaq pinaveersaaruk