Nuummi mittarfiup nassiussassaasiviani qaartartumeerinissamik sioorasaaruteqartoqartoq
Politiit mittarfimmukarlutik misissuipput, pisorlu misissueqqissaarfigalugu.
- Pinerluuteqartoq nassiussassaasiviup eqqaani tigusaraarput oqaloqatigalugulu, poortugarlu misissorlugu, ulorianartumillu imaqanngilaq, Aputsiaq Hansen oqarpoq.
Politiit mittarfiup tungaani assersuimmata angallannermillu unitsitsisoqarmat angut ingerlatsinermi akornusiisutut unnerluutigineqarpoq, pigaartut pisortaat oqarpoq.
Pigaartut pisortaata sioorasaaruteqartoqaraangat tamanna ilungersunartumik suliarisaraat erseqqissaatigaa taassumalu inuit taama oqaaseqartannginnissaannik kaammattuuteqarfigai.
- Naak tamanna quianartutut oqaatiginiarlugu eqqarsartoqartaraluartoq taama nalunaaruteqartoqartillugu politiit mittarfillu suut tamarmik atorlugit iliuuseqartarput, Aputsiaq Hansen oqarpoq.
