Nuummi biilit aallarunneqarmata aquttoq ulorianartorsiortitsisoq
Nuummi biilit unnuaq nalunaaqutaq ataaseq qaangeraa aallarunneqartut Nuummi politiinut nalunaarutigineqarput.
Nuummi politiit biilit aallarunneqartut akunneq ataaseq missiliorlugu malersorpaat, Nuummi poliitini pigaartut pisortaat Aputsiaq Hansen KNR-imut oqarpoq.
Biilinik malersuineq inunnik uloriarnartorsiortitsimmat, politiit biilimik aallarussamik malersuinertik unitsittariaqarsimagaat, politiini pigaartoq oqaluttuarpoq.
Biili aallarunneqartoq arfininngornermi ullaakkut nassaarineqartoq, aallarussisutullu pasisaqartoqarpoq.
Biilinik aallarussisunik pasisat qassinik ukioqarnersut biilillu aallarunneqartut sumi nassarineqarsimanersut, politiinit oqaatigineqarsinnaanngikkallartoq Nuummi pollitiini pigaartoq oqarpoq.
Arnat marluk ikiaroornartumik hashimik eqqusseriaraluartut
Timmisartoq Danmarkimit Nuummut tallimanngormat tikimmat, arnat marluk ikioroornartuumik hashimik katillugit 500 gramimik nassartut, ilanngaaserisunit paasineqarput politiinullu nalunaarutigineqarlutik.
300 graminik nassaarfigineqartup ikiaroornartoq hash pinnersaataasivimminut toqqorsimavaa, aappaatalu 200 graminik nassaarfigineqartup nassatami akornannut toqqorsimagaa, politiini pigaartut pisortaat Aputsiaq Hansen KNR-imut oqarpoq.
Arnat taakkua marluk politiinit tigusarineqarput kingornalu iperagaallutik.
Suliaq politiinit suliarineqassasoq politiit nalunaarput.
