Nuuk Posse nipilersoqatiminnik eqqaaniaallutik unnugu tusarnaartitsilersut
Hip Hop-i ukiut 30-t matuma siorna Nunatsinnut annguppoq. !991-imilu Nuuk Posse-kut siullermeerllutik aalassatsitseqisumik kalaallisut rapperlutik saqqummersitsipput. Taakku Nunatsinni tupaallaatigineqarputi Europamilu maluginiarneqarlutik - nipilersortartummi ilaatigut Tysklandimi Barcelonamilu tusarnaartitsipput. Allaammi nipilersoqatigiit CD-liaat Japanimi hiphopertartunit nuannarineqarluarluni.
Nuuk Possekkut inuusuttorpassuarnik hiphopimik nuannarisaqalersitsipput - inuusuttullu saqqummertartut taalliaat inersimasunit tupaallaatigineqartarlutik inuusuttunillu nuannaarutigineqartaqalutik.
Ukiunik 30-nngortorsiortut
Nuuk Possekkut saqqummernerinit ukiut 30-t qaangiunnerat malunnartinniarlugu hiphopertartorpassuit malinnaallutik saqqummertarsimasut unnugu appisimaaqattaassapput.
Soorlu tamakku tassaallutik Prussic, Ujuuki, JoSPal-G, Don Maliko soorunamilu Nuuk Possekkut.
Nuuk Possekkunnik aallarniisut tassaasut John Olsen, Peter Motzfeldt, Thomas Hansen, Andreas Højgaard aamma Lars Sørensen appisimaassapput, tusarnaartitsinerallu Nuuk Possekkunni nipilersoqataasarsimasumut maanna toqoreersumut Henrik Aqqaluk Brobergimut eqqaaniaanerussalluni.
Matut unnugu arfineq pingasunut ammarneqassapput ullaassarulu marluk qeqqata tungaanut rapertoqassalluni.
