Nuuk: Politiit tillitamik umiatsiarsimasumik ujaasisut

Nuummi politiit Nuup eqqaani ippassaq pingasunngornermi ullaassakkut umiatsiarsimasumik tassanngalu takunnissimasinnaasunik ujaasipput.
Umiatsiaq pingasunngornermut unnuaani tillitaq inuttaqarani Nuutoqqap avataanut tippussaavoq. Assi © : Bo Kristensen
Allattoq Helle Nørrelund Sørensen
juunip 30-at 2022 09:08

Umiatsiaq Poca 600, qasertumik qalipaatilik, Nuup umiarsualivianiit ippassaq pingasunngornermi ullaassakkut nalunaaqutaq sisamanut tanneq arfineq pingasut, tallimallu qeqqata akornanni aallarunneqarsimavoq.

Umiatsiarli inuttaqarani tissukartoq Nuutoqqap avataani nassaarineqarpoq.

Umiatsiamik aqutsisup imaanut nakkarsimasinnaanera Nuummi politiit ilimatsaappaat.

Taamaammat umiatsiarsimasumik imaluunniit inummik umiatsiamiit niusumik ippassaq pingasunngornermi ullaassakkut takusimasinnaasunik politiit aamma ujaasipput.

Nuummi ippassaq pingasunngornermi ullaassakkut anorlingaatsiarpoq mallingaatsiarmat umiatsiamik aqutsisup imaanut nakkarsimasinnaanera ilimatsaanneqarpoq.

Maanna ujaasillunilu annaassiniarneq aallartinneqareerpoq.

Takunnissimasinnaasut 70 14 48-mut sianersinaapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq