Nuuk nutaamik katersugaasivittaalersoq
Katersugaasivik ateqarallarpoq Nuuk Lokalmuseum, tassanilu takuneqarsinnaassaaq illoqarfik suminngaanniit pinersoq, qanorlu ineriartorsimanersoq, katersugaasivik tusagassiuutinut allappoq.
Katersugaasivik nuummiunut, nutsertunut takornarianullu naatsorsuussaavoq, illoqarfimmillu ilisarititsisuussalluni.
Illoqarfiup oqaluttuassartaa 1960-ikkunni 1970-ikkunnilu siulliunneqassaaq. Ukiummi tamakku Nuuk naalakkersuisut illoqarfiattut illoqarfittullu pingaarnerpaatut inissippoq. Katersugaasivilli ineriartorteqqikkiartorneqassaaq.
Nuuk lokalmuseum kalaallisut suli atserneqanngilaq. Siunertaavorlu Nuummi innuttaasut atissaanik taasitinneqarumaatut.
Inuit oqartussaaqataanissaat katersugaasiviup pisortaata Vinni Sølvbladip pingaartinnerarpaa:
- Ullutsinni katersugaasiviit saqqummersitaannarnut naatsorsuussaanngillat. Inunnik tunniusassalinnik qaaqqusisarneq atorneruniarparput. Soorlu oqalugiarsinnaasunik, Nuummi qangaanerusoq inuuneq qanoq issimanersoq, assiutitik atorlugit oqaluttuariartoqarsinnaanera assersuutigisinnaavarput, pisortaq Vinni Sølvblad oqarpoq.
Unnummi kulturisiorfimmi Nuuk lokalmuseum nalunaaqutaq unnukkut arfinermiit qulingiluat tungaannut ammassaaq. Pisortatigoortumillu borgmester Asii Chenitz Narup ammaasuussaaq.
