Nutarteriniarnermi paasissutissiinnginneq isumaqatigiissutaasimasunut unioqqutitsisoq

Pituffimmi radarip nutarterneqarnissaa Amerikamiut millionilikkaanik aningaasartuuteqarfigissavaat. Taamaaliornerullu nunatsinnut qanorlu sunniuteqarsinaanera pillugu amerikamiut paasissutissiissutiginngilaat.
Allattoq Ane-Marie Petersen
aggustip 31-at 2017 07:10

Nunanut allanut sillimaniarnermullu ataatsimiititaliap siulittaasuata tamanna naammaginagu, Danmarkimit USA-millu sukumiisumik paasitinneqartarnissaq piumasareqqullugu, Naalakkersuisunut kaammattuivoq.

- Isumaqarpunga piffissanngortoq suliat naammaginartumik suliarineqartalernissaat inaarneqartalernissaat siunertaralugu iliuusissaq Naalakkersuisut danskillu naalakkersuisuiniit suliarineqalernissaa, Ane Hansen oqarpoq.

AAMMA ATUARUK Pituffik pillugu paasissutissat amerlanerusut amerikamiunit pisariaqarput

Nunatta Danmarkip Amerikallu 2004-mi Igalikumi isumaqatigiissutaat naapertorlugu USA sakkutooqarfimmi allannguissaguni Danmarki nunarpullu paasiniaaffigeqqaarlugillu paasiteqqaartassavai.

Taamanilu nunanut allanut tunngasunut naalakkersuisup, isumaqatigiissummut atsioqataasup Josef Motzfeldtip Pituffimmi nutarterinissaq pillugu iluamik paasititsisoqarsimanngippat unioqqutitsisoqarsimanerarpaa.

- Igalikumi isumaqatigiissut malinneqanngitsutut paasivara, Josef Motzfeldt oqarpoq.

AAMMA ATUARUK Pituffik-radar opgraderet for knap halv milliard kroner

Pituffimmi nutarterinissaq pillugu amerikamiut 2015-imut nalunaarusiartik danskit naalakkersuisuinut ukiup tulliani tunniuppaat. Taannalu Namminersorlutik Oqartussanut erngerluni ingerlateqqippaat.

Sunali nutarterneqassanersoq immikkualuttunngorlugu iluamik paasissutissiissutigineqanngilaq.

Nunanut allanut tunngasunut ministereqarfik naapertorlugu nutarsaaneq 78,5 millionit dollarsinik tassa 480 millionit koruunit missaannik naleqassaaq.

Aningaasallu taama amerlatigisut pineqartillugit Naalakkersuisut namminneq paasiniaaqqittussaagaluartut Josef Motzfeldt oqarpoq.

- Ilisimatinneqarneq soorunami nunatsinni oqartussaasut minnerpaamik qisuariarfigisimasariaqaraluarpaat,paasiniarlugu qanoq annertusaarniartoqarnersoq.

AAMMA ATUARUK Naalakkersuisup Pituffimmi nutarterineq misissuiffiginiaraa

AAMMA ATUARUK Pituffimmi aningaasaliisimaneq ataatsimiititaliami ilaasortat ilisimasaqarfiginerorusuppaat

AAMMA ATUARUK Pituffimmut aningaasaliinermi Kalaallit Nunaat akuutinneqartussaagaluarpoq

 

 

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk